جوبانى جاس عالىم نۇرسۇلتان تومپيەۆتىڭ جەتەكشىلىگىمەن «قازاەروناۆيگاتسيا» رمك ماماندارى – م.اسىلحانوۆ, ا.احمەتباەۆ, ا.اققۇلوۆ بىرلەسىپ ازىرلەنگەن. «جاسىل دالىزدەر» دەپ اتالاتىن جوبا – حالىقارالىق جۇك رەيستەرىندە تۇراقتى اۆياتسيالىق وتىندى (SAF) پايدالانۋعا اۋە تاسىمالداۋشىلاردى ەكونوميكالىق تۇرعىدان ىنتالاندىرۋعا ارنالعان الەمدەگى العاشقى جۇيە. بۇل باستاما تۇراقتى اۆياتسيالىق وتىندى قولداناتىن اۆياكومپانيالارعا اەروناۆيگاتسيالىق الىمداردى تومەندەتۋدى, ەكولوگيالىق وتىن كولەمىن انىقتاۋعا ارنالعان «Book & Claim» مەحانيزمىن پايدالانۋدى, CO₂ شىعارىندىلارى مەن كوندەنساتسيالىق ىزدەردىڭ اسەرىن عىلىمي مودەلدەۋدى, سونداي-اق 2026 جىلى قاناتقاقتى جوبانى ىسكە قوسىپ, كەيىننەن كەڭەيتۋدى كوزدەيدى.
اتالعان ماراپاتقا «اكادەميالىق ۇيىمدار – ماگيستراتۋرا جانە دوكتورانتۋرا» اتالىمى بويىنشا ۇسىنىلعان. بايقاۋعا 52 ەلدەن 84 جوبا مەن 194 قاتىسۋشى قاتىسقان. ناتيجەسىندە, وتاندىق جوبا گەرمانيا مەن اقش-تىڭ باستامالارىنا عانا جول بەرىپ, تۇراقتى اۆياتسيا سالاسىنداعى ۇلتتىق عىلىم مەن يننوۆاتسيانىڭ جوعارى دەڭگەيىن دالەلدەي كەلە, ءۇشىنشى ورىندى يەلەندى.
«يكاو دەڭگەيىندە مويىندالۋ – كوماندامىزدىڭ ەڭبەگىنە بەرىلگەن باعا عانا ەمەس, سونىمەن قاتار ەلىمىزدىڭ اۋە كەڭىستىگىن ەۋروپا مەن ازيا اراسىنداعى «جاسىل اۆياتسيالىق كوپىرگە» اينالدىرۋ جولىنداعى ماڭىزدى قادام. مۇندا ەكولوگيا مەن ەكونوميكا ءبىرتۇتاس ۇلگىدە جۇمىس ىستەيدى. بۇل ماراپات – تەك جەكە جەتىستىك ەمەس, جۇيەلى عىلىمي كوزقاراس پەن جاڭاشا ويلاۋ بۇكىل سالانى جاھاندىق دەڭگەيدە وزگەرتەتىنىن دالەلدەيتىن بەلگى. ءبىز ەلىمىزدە تۋىنداعان يدەيالار الەمدىك ۇزدىك جوبالارمەن باسەكەلەسەتىنىن جانە تۇراقتى اۆياتسيانىڭ جاڭا باعىتتارىن ايقىنداي الاتىنىن كورسەتتىك», دەدى جوبا جەتەكشىسى ن.تومپيەۆ.
ونىڭ ايتۋىنشا, ەكولوگيالىق تۇرعىدان العاندا جوبا SAF قولدانىلاتىن رەيستەردە كومىرقىشقىل گازىنىڭ 70-80%-عا دەيىن ازايتۋعا مۇمكىندىك بەرەدى. ەكونوميكالىق جاعىنان بۇل ەلىمىزدىڭ اۋە كەڭىستىگىنىڭ ترانزيتتىك اۆياتاسىمالداۋشىلارعا ءتيىمدى, ال يميدجدىك تۇرعىدان ەلدىڭ تۇراقتى اۆياتسيا سالاسىنداعى جاڭاشىل قاتىسۋشى رەتىندەگى بەدەلىن بيىكتەتەدى.
«Sheikh Mohammed Bin Rashid Al Maktoum Global Aviation Award» – اۆياتسيالىق يننوۆاتسيالار, تۇراقتى دامۋ جانە تسيفرلىق ترانسفورماتسيا سالاسىنداعى ۇزدىك الەمدىك تاجىريبەلەردى دامىتۋ ماقساتىندا بەرىلەتىن حالىقارالىق ماراپات.
