الايدا كولىك ورگە قاراي شىعا الماي, ارتقا قۇلديلاپ كەتەدى. ءسويتىپ, قورشاۋعا سوعىلادى. ەندى اۆتوكومپانيا وسى ءۇشىن وتەماقى تولەۋى مۇمكىن. وسى وقيعادان سوڭ كومپانياعا دەگەن سەنىم دە كۇرت تومەندەگەن دەپ جازىپ جاتىر ساراپشىلار.
«اۋەگە اپارار جول» باسپالداعىنىڭ جالپى ۇزىندىعى – 300 مەتر. 999 بەلەستەن تۇرادى.
سىناقتان ءوتۋى ءتيىس بولعان ەلەكترلى جول تالعامايتىن كولىكتىڭ قۋاتى تولىق جەتەكتى ەكەن. سوعان قاراماستان ول جوعارى قاراي شىعا الماي قالعان. وقيعانىڭ ۆيدەوسى تاراپ كەتكەننەن كەيىن الەۋمەتتىك جەلىدە كولىك پەن كومپانيا جاپپاي سىنعا ۇشىرادى. بۇل ارينە, اۆتوموبيل نارىعىندا ەندى-ەندى الەۋەت جيناپ كەلە جاتقان كومپانيا بەدەلىنە كولەڭكە ءتۇسىردى.
Chery Automobile كومپانياسى بۇگىن تاريحي ورىندى بۇلدىرگەنى ءۇشىن كەشىرىم سۇراعان. كومپانيا وكىلدەرىنىڭ ايتۋىنشا, اپات ساقتاندىرۋ ارقانىنىڭ اجىراپ كەتۋىنەن بولعان. ارقان اۆتوكولىكتىڭ وڭ دوڭگەلەگىنىڭ استىنا ءتۇسىپ, وراتىلىپ, سىرعاناۋعا سەبەپ بولعان.
