فوتولار: primeminister.kz
«ەلدەرىمىزدىڭ كوشباسشىلارى قاسىم-جومارت توقاەۆ پەن بەلارۋستىڭ پرەزيدەنتى الەكساندر لۋكاشەنكونىڭ ساياسي ەرىك-جىگەرى مەن تۇراقتى بايلانىسىنىڭ ارقاسىندا ەكى ەل اراسىنداعى قارىم-قاتىناس قارقىندى دامىپ كەلەدى جانە بارلىق دەڭگەيدەگى سەنىمدى ديالوگ پەن ستراتەگيالىق سيپاتقا يە. قازاقستان ۇكىمەتى ساۋدا-ەكونوميكالىق جانە باسقا دا قارىم-قاتىناستارىمىزدىڭ قارقىندى ءارى ءوزارا ءتيىمدى نەگىزدە دامۋى ءۇشىن بار كۇش-جىگەرىن سالۋعا دايىن», دەپ اتاپ ءوتتى ولجاس بەكتەنوۆ.
بەلارۋس پرەمەر-ءمينيسترى الەكساندر تۋرچين قازاقستاننىڭ ساۋدا-ەكونوميكالىق قاتىناستارداعى مىقتى سەرىكتەسى ەكەنىن ايتتى.
«سوندىقتان ءبىز بۇل بايلانىستاردى بارلىق جاعىنان دا دامىتۋعا دايىنبىز. ءبىزدىڭ بۇگىنگى كەزدەسۋىمىز بەلارۋس پەن قازاقستان اراسىنداعى ديالوگتى نىعايتۋ مەن كەڭەيتۋ پروتسەسىنە قوسىمشا سەرپىن بەرەتىنىنە, ونى جاڭا مازمۇنمەن تولتىراتىنىنا سەنىمدىمىن», دەدى بەلارۋس پرەمەر-ءمينيسترى الەكساندر تۋرچين.
تاراپتار ونەركاسىپ كووپەراتسياسىن ودان ءارى دامىتۋ جانە بىرلەسكەن جوبالاردى جۇزەگە اسىرۋ ماسەلەلەرىن تالقىلادى.
تسيفرلىق سالادا جي ەلەمەنتتەرىن ەنگىزۋ بويىنشا تاجىريبە الماسۋعا باسىمدىق بەرىلىپ وتىر.
اۋىل شارۋاشىلىعىندا اوك ونىمدەرىن قايتا وڭدەۋ جانە ءوندىرۋ جوبالارىنا باسا نازار اۋدارىلماق. سالانىڭ تيىمدىلىگىن ارتتىرۋ ءۇشىن اگرارلىق عىلىمداعى ىنتىماقتاستىققا اسا ءمان بەرىلەدى. وتاندىق ديقاندار بيىل اۋىل شارۋاشىلىعى داقىلدارىنان مول ءونىم جينادى, مۇنداي كورسەتكىشكە ولار ءبىر جاعى اگروتەحنولوگيالاردى قولدانۋ ناتيجەسىندە قول جەتكىزە الدى.
كەزدەسۋگە قاتىسۋشىلار كولىك جانە لوگيستيكا سالاسىنداعى ءوزارا ءىس-قيمىلدىڭ ماڭىزدىلىعىن اتاپ ءوتتى. سالالىق ۆەدومستۆولاردىڭ ۇيلەسىمدى جۇمىسى ەكى مەملەكەت اراسىنداعى تەمىرجول جانە اۆتوموبيل تاسىمالدارىن ۇزدىكسىز قامتاماسىز ەتەدى. سونىمەن قاتار جاڭا ەكسپورتتىق نارىقتارعا شىعۋ ءۇشىن كولىك دالىزدەرىن دامىتۋدا زور الەۋەت بار.
سونداي-اق وڭىرارالىق ىنتىماقتاستىق جانە مادەني-گۋمانيتارلىق سالاداعى ءوزارا ءىس-قيمىل ماسەلەلەرى دە تالقىلاندى.
كەزدەسۋ قورىتىندىسى بويىنشا قازاقستان مەن بەلارۋس پرەمەر-مينيسترلەرىنىڭ قاتىسۋىمەن ەكىجاقتى بىرقاتار قۇجاتقا قول قويىلدى:
-
قازاقستان رەسپۋبليكاسىنىڭ ونەركاسىپ جانە قۇرىلىس مينيسترلىگى مەن بەلارۋس رەسپۋبليكاسىنىڭ ونەركاسىپ مينيسترلىگى اراسىنداعى ونەركاسىپتىك كووپەراتسيا سالاسىنداعى ىنتىماقتاستىقتى دامىتۋدىڭ 2026–2028 جىلدارعا ارنالعان جول كارتاسى;
-
استانا قالاسىنىڭ اكىمدىگى مەن مينسك قالالىق اتقارۋ كوميتەتى اراسىنداعى 2026–2028 جىلدارعا ارنالعان ساۋدا-ەكونوميكالىق, عىلىمي-تەحنيكالىق جانە مادەني ىنتىماقتاستىق تۋرالى جول كارتاسى;
-
الماتى وبلىسىنىڭ اكىمدىگى مەن ۆيتەبسك وبلىستىق اتقارۋ كوميتەتى اراسىنداعى ساۋدا-ەكونوميكالىق, عىلىمي-تەحنيكالىق, مادەني-گۋمانيتارلىق سالالارداعى ىنتىماقتاستىق تۋرالى مەموراندۋم.
