فوتو: اشىق دەرەككوز
بۇل كورسەتكىش ەلىمىزدىڭ ەنەرگەتيكالىق نارىقتاعى باعىتىن ايقىن كورسەتەدى: قازاقستان مۇنايى ءالى دە ەۋروپالىق تۇتىنۋشىلارعا باعىتتالعان نەگىزگى شيكىزات كوزى بولىپ وتىر.
2024 جىلعى العاشقى ون يمپورتتاۋشى ەل (كولەمى بويىنشا, توننامەن):
- يتاليا – 43%;
- نيدەرلاندى – 12%;
- فرانتسيا – 7%;
- رۋمىنيا – 6%;
- گرەكيا – 6%;
- قىتاي – 4%;
- يسپانيا – 3%;
- شۆەيتساريا – 3%;
- تۇركيا – 3%;
- باسقا ەلدەر – 13%.
ەسەپكە سايكەس, يتاليا 2024 جىلى قازاقستان مۇنايىنىڭ ەڭ ءىرى يمپورتتاۋشىسى اتانىپ وتىر. ەلگە جەتكىزىلەتىن جالپى ەكسپورت كولەمىنىڭ 43 پايىزى ءدال وسى مەملەكەتكە تيەسىلى. الايدا, Energy Analytics اتاپ وتكەندەي, ستاتيستيكادا يتاليا ەڭ ءىرى يمپورتتاۋشى بولىپ كورىنگەنىمەن, قازاقستاندىق مۇنايدىڭ ناقتى سوڭعى الۋشىسى – گەرمانيا. بۇل ەل شيكىزاتتى يتاليانىڭ تريەست پورتىنداعى تەرمينال ارقىلى قابىلدايدى.
سونداي-اق, ەۋروپالىق نارىقتا نيدەرلاندى, فرانتسيا, رۋمىنيا جانە گرەكيا سىندى ەلدەر دە بەلسەندى ساتىپ الۋشىلار قاتارىندا. بۇل ەۋروپالىق وداق ەلدەرىنىڭ قازاقستاندىق مۇنايعا دەگەن تۇراقتى سۇرانىسىن كورسەتەدى.
بۇدان بولەك, فينليانديا دا قازاقستانمەن ىنتىماقتاستىققا قىزىعۋشىلىق تانىتىپ وتىر. رەسەيدەن ەنەرگيا تاسىمالداۋ توقتاعاننان كەيىن, فينليانديا جاڭا سەرىكتەستەر ىزدەپ, قازاقستاندى ىقتيمال ارىپتەس رەتىندە قاراستىرىپ وتىر.
ازيا ايماعىندا قازاقستان مۇنايىنىڭ نەگىزگى الۋشىلارىنىڭ قاتارىندا قىتاي مەن تۇركيا بار. ال وڭتۇستىك كورەيا, سينگاپۋر جانە ءۇندىستان سياقتى ەلدەر يمپورت كولەمى بويىنشا تومەنىرەك كورسەتكىشكە يە.
