قىزمەتكە شاقىرىلماس بۇرىن ءادىل تۋعان وڭىرىندەگى «جەتىسۋ» تەلەارناسىندا جۋرناليست بولىپ ەڭبەك ەتىپ, بىرنەشە تەلەباعدارلامانى جۇرگىزگەن. قازىرگى تاڭدا جاۋىنگەر «شىعىس» وڭىرلىك قولباسشىلىعىنا قاراستى اسكەري بولىمدە وتان الدىنداعى بورىشىن وتەي ءجۇرىپ, وسكەمەندەگى «ALTAI» تەلەارناسىنىڭ «التاي تاڭى» اتتى تاڭعى باعدارلاماسىندا جۇرگىزۋشى رەتىندە كورەرمەنمەن قايتا قاۋىشقان.
– ۇلتتىق ۇلان ساپىندا جۇرگەن ۋاقىت مەنى رۋحاني دا, فيزيكالىق تۇرعىدان دا شىڭدادى. اسكەري ءبولىم ساربازدارى كۇن سايىن قالا تىنىشتىعىن كۇزەتىپ, قوعامدىق ءتارتىپتى ساقتاۋ ىسىندە ەرلىك پەن جاۋاپكەرشىلىكتىڭ ۇلگىسىن كورسەتىپ ءجۇر. سول ەڭبەكتىڭ ىشىندە مەنىڭ دە ۇلەسىمنىڭ بار ەكەنىن سەزىنۋ – زور ماقتانىش, – دەيدى قاتارداعى جاۋىنگەر ءادىل قۇتتىباەۆ.
بوس ۋاقىتىندا ءادىل ماماندىعىنان اجىراماي, تەلەارنا ۇجىمىمەن بىرگە تىكەلەي ەفيردە باعدارلامالار جۇرگىزىپ ءجۇر.
– «التاي تاڭى» باعدارلاماسىنىڭ توعىز شىعارىلىمىندا جۇرگىزۋشى بولدىم. تىكەلەي ەفير بارىسىندا وسكەمەندىك ارىپتەستەرىممەن جاقسى ءتىل تابىسىپ, تاجىريبە الماسۋعا مۇمكىندىك الدىم. بۇل – مەن ءۇشىن اسكەردە ءجۇرىپ تە شىعارماشىلىقتى جالعاستىرۋدىڭ ۇلكەن قۋانىشى. وسىنداي جاعداي جاساپ, قولداۋ بىلدىرگەن اسكەري ءبولىم باسشىلىعىنا العىس ايتامىن, – دەيدى ول.
بولاشاقتا ءادىل قۇتتىباەۆ اسكەري تاقىرىپتاعى جوبالاردى قولعا الىپ, مەرزىمدى قىزمەتىن اياقتاعان سوڭ اسكەري جۋرناليستيكا سالاسىندا ەڭبەك ەتۋدى ماقسات تۇتىپ وتىر.
