جارمەڭكەگە تالدىقورعان مەن تەكەلى قالالارىنان, سونداي-اق الاكول, اقسۋ, سارقان, پانفيلوۆ, كەربۇلاق, قاراتال, كوكسۋ جانە ەسكەلدى اۋداندارىنان اۋىلشارۋاشىلىق ونىمدەرى جەتكىزىلدى. بارلىعى 154,8 توننا ازىق-ت ۇلىك جەڭىلدەتىلگەن باعامەن ساۋدالاندى. ونىڭ ىشىندە ەت, بالىق, ءسۇت ونىمدەرى, بال, كوكونىس, جەمىس-جيدەك جانە باسقا دا تاۋار تۇرلەرى بار.
اسىرەسە ەت ونىمدەرىنە سۇرانىس جوعارى بولدى. قاراتالدان اكەلىنگەن سيىر ەتىن ساتىپ العان ەلوردا تۇرعىنى نۇرلان احمەتوۆ: «دۇكەن باعاسىمەن سالىستىرعاندا مۇندا ارزانىراق ءارى ساپاسى كوڭىلگە قونادى», – دەپ پىكىر ءبىلدىردى.
ال اقسۋ مەن كوكسۋ اۋداندارىنىڭ زاۋىتتارىنان شىققان قانت, ەسكەلدىنىڭ الماسى مەن جەمىستەرى, كەربۇلاقتىڭ كارتوبى مەن بالى كوپشىلىكتىڭ كوڭىلىنەن شىقتى.
جارمەڭكەگە كەلگەن استانالىقتار ءونىمنىڭ تابيعيلىعىن ەرەكشە اتاپ ءوتتى. ماسەلەن, جاس انا ءاليا كەڭەس: «كوكسۋدان الىنعان ءسابىز بەن قىرىققاباتتىڭ جاڭا تەرىلگەنى بىردەن بايقالادى. بالالارىم ءۇشىن وسىنداي ساپالى ءونىم تاپقانىما قۋانىشتىمىن», – دەدى. ال قالا تۇرعىنى اينۇر سادىقوۆا بولسا, «كارتوپ پەن المانىڭ بالعىندىعى مەن ءدامى دۇكەندەگىدەن وزگەشە» ەكەنىن ايتتى.
ۇيىمداستىرۋشىلاردىڭ دەرەگىنشە, ەكى كۇن ىشىندە ساتىلعان ءونىمنىڭ جالپى قۇنى 128,8 ميلليون تەڭگەگە جەتكەن.
