ستاتيستيكاعا جۇگىنسەك اۋداندا 27 ەلدى مەكەن بار, 257 مىڭنان استام حالىق تۇرادى. اۋدان حالقى تۇگەل اۋىزسۋمەن, ەلەكتر جارىعىمەن ءجۇز پايىز تولىق قامتىلعان. سونىمەن بىرگە وسى جىلعى اقپان ايىندا «ىنتىماق-2» شاعىن اۋدانى مەن «تاۋەلسىزدىككە 20 جىل» تۇرعىن الابى تابيعي گازعا قوسىلىپ, بارشا اباي جۇرتى كوگىلدىر وتىنعا قول جەتكىزدى. مۇنىڭ ءبارى ەلدىڭ تۇرمىس ساپاسىن جاقسارتۋدى كوزدەگەن ماقساتتىڭ ورىندالعانى.
اۋداندا جول ينفراقۇرىلىمىن جاقسارتۋ جۇمىستارى دا قارقىن العان. اكىمشىلىك ايماقتىڭ 1274 كوشەسىنىڭ 844-ءى اسفالتتالعان. جىل سوڭىنا دەيىن تاس جولداردىڭ بارىنە اسفالت جابىنى توسەلەدى. وسى كەزگە شەيىن 148 كوشە جوندەلدى. العا قويعان جوسپارلار ورىندالسا اۋداندا اسفالتسىز جانە جوندەلمەگەن بىردە-ءبىر كوشە قالمايدى.
اباي اۋدانىندا تۇرعىنداردىڭ قولايلى تۇرمىسىن قامتاماسىز ەتۋگە ەرەكشە ءمان بەرىلۋدە. 2024 جىلعا دەيىن اۋدان كوشەلەرىنىڭ تەك 15 پايىزى عانا جارىقتاندىرىلسا, بيىل 954 كوشەگە جارىق شامدار ورناتىلدى. ال جالپى جىل سوڭىنا دەيىن اۋداننىڭ بارلىق كوشەسى تۇنگى ۋاقىتتا جارقىراپ تۇراتىن بولادى. وسىنىڭ ءبارى پرەزيدەنت تاپسىرماسى اياسىندا ىسكە اسىپ جاتقان يگى جۇمىستار. ونداعى ماقسات حالىقتىڭ مەيلىنشە تۇرمىسىن قولايلى ەتۋ.
