فوتو: قر پرەزيدەنتى ءىس باسقارماسى
تۋريزم يندۋسترياسى كوميتەتىنىڭ مالىمەتىنشە, قاڭتار-شىلدە ارالىعىندا «بۋراباي» پاركىنە 600 مىڭنان استام تۋريست تابان تىرەگەن.
ەكىنشى تۋريستەر تاڭداۋى تۇسەتىن مەكەن - الماتى قالاسىنا جاقىن ورنالاسقان ىلە-الاتاۋ ۇلتتىق پاركى. 7 ايدا ونىڭ تابيعي لاندشافتتارىن 507 541 تۋريست تاماشالاعان.
ۇشتىكتى الماتى وبلىسىنداعى «كولساي كولدەرى» ۇلتتىق پاركى تۇيىندەيدى. بۇل تابيعي نىساندى 350 مىڭنان استام ادام ارالاعان. ونىڭ اۋماعىنداعى كوزتارتارلىق كولساي مەن قايىڭدى كولدەرى بار.
تۋريستەردىڭ سانى بويىنشا ۇزدىك بەستىككە شارىن جانە باياناۋىل ۇلتتىق پاركتەرى ەنگەن.
شارىن ۇلتتىق پاركى الماتى وبلىسىندا ورنالاسقان جانە بىرەگەي شاتقالمەن كوپشىلىك اراسىندا تانىمال. وعان فوتوتۋريزم, دجيپ-تۋرلار مەن ەتنوەكسپەديتسيالارمەن اينالىساتىن ساياحاتشىلار ءجيى كەلەدى.
ال باياناۋىل - پاۆلودار وبلىسىندا ورنالاسقان جانە قازاقستان اۋماعىندا قۇرىلعان العاشقى ۇلتتىق پارك. بۇل ايماق تاۋلى لاندشافتتارمەن جانە كولدەرىمەن ەرەكشەلەنەدى.
