وسىعان بايلانىستى «Orda» اقپاراتتىق-تالداۋ ارناسىنىڭ باس رەداكتورى گ.ا. باجكەنوۆاعا قالا پروكۋراتۋراسى قازاقستان رەسپۋبليكاسىنىڭ «ماسس-مەديا تۋرالى» زاڭىنىڭ تالاپتارىن اۋىزشا جانە جازباشا تۇردە ءتۇسىندىردى.
سونىمەن بىرگە وعان ەل زاڭدارىن بۇزۋدىڭ جول بەرىلمەيتىنى ەسكەرتىلىپ, قاساقانا جالعان اقپارات تاراتقانى ءۇشىن قازاقستان رەسپۋبليكاسى قىلمىستىق كودەكسىنىڭ 274-بابى 2-بولىگىنىڭ 3-تارماعىنا سايكەس 3 جىلعا دەيىن باس بوستاندىعىنان ايىرۋ جازاسى كوزدەلگەنى تۋرالى قاتاڭ ءتۇسىندىرۋ بەرىلدى.
سونداي-اق ازاماتتى سىبايلاس جەمقورلىق, اۋىر نەمەسە اسا اۋىر قىلمىس جاسادى دەپ قاساقانا جالعان ايىپتاۋ دەرەكتەرى بويىنشا قر قىلمىستىق كودەكسىنىڭ 419-بابى 3-بولىگىندە 8 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جاۋاپتىلىق قاراستىرىلعانى ءتۇسىندىرىلدى.
الماتى قالاسىنىڭ پروكۋراتۋراسى ازاماتتاردى جانە بۇقارالىق اقپارات قۇرالدارىن قازاقستان رەسپۋبليكاسىنىڭ زاڭدارىن قاتاڭ ساقتاۋعا, قوعامدىق ورتادا, ونىڭ ىشىندە بۇقارالىق اقپارات قۇرالدارىندا جالعان ءارى شىندىققا سايكەس كەلمەيتىن مالىمەتتەردى تاراتپاۋعا شاقىرادى.
