«قالعان وتىمدىلىك نەسيە بەرۋگە جانە جوبالاردى جۇزەگە اسىرۋعا تولىق جەتكىلىكتى. سوندىقتان بۇل قادام قارىز بەرۋگە اسەر ەتپەيدى. سونىمەن بىرگە ءبىز ايتارلىقتاي انتينفلياتسيالىق اسەر كۇتەمىز, ويتكەنى ەكونوميكانىڭ شامامەن 3 ترلن تەڭگەسىن الىپ تاستاي الامىز», دەدى سۇلەيمەنوۆ.
ۇب توراعاسىنىڭ ايتۋىنشا, مونەتارلىق, مونەتارلىق ەمەس جانە ارالاس تۇرلەرى بار. ال ەرت – مونەتارلىق ينفلياتسيامەن كۇرەس قۇرالدارىنىڭ ءبىرى. بۇل جولعى شەشىم ساراپتامالىق تالداۋ, پىكىرتالاستار جانە بانكتەرمەن كەڭەسۋلەر ناتيجەسىندە جان-جاقتى قاراستىرىلىپ قابىلدانعان.
«ارينە, بانكتەر بۇل شەشىمدى قول سوعىپ قارسى العان جوق, بىراق جالپى كونسترۋكتيۆتى تۇردە قابىلدادى. ولار جوعارى ينفلياتسيا ەكونوميكانىڭ, وزدەرىنىڭ جانە حالىقتىڭ باستى تاۋەكەلى ەكەنىن تۇسىنەدى. ءبىز ينفلياتسيانى قالىپتى دەڭگەيگە نەعۇرلىم تەز قايتارساق, بۇل بانكتەر ءۇشىن دە سوعۇرلىم پايدالى بولادى», دەپ اتاپ ءوتتى ۇلتتىق بانك توراعاسى.
ۇلتتىق بانكتىڭ شىلدەدەگى دەرەكتەرىنە سايكەس, ەلدەگى اقشا ماسساسى (ەكونوميكادا اينالىستا جۇرگەن بارلىق اقشا) 47,2 ترلن تەڭگەنى قۇرادى. وسىلايشا, ارتىق اقشا جالپى اقشا ماسساسىنىڭ 12,7%-نا تەڭ بولىپ وتىر.
