ۇكىمەت باسشىسىنىڭ ايتۋىنشا, كولىك, قارجى مينيسترلىكتەرى ۇلتتىق قاۋىپسىزدىك كوميتەتىنىڭ شەكارا قىزمەتىمەن بىرلەسىپ, شەكارادا جەدەل ءارى ساپالى مەملەكەتتىك قىزمەت كورسەتۋ جونىندە شارالار قابىلداۋى قاجەت.
«2028 جىلى جولاۋشىلار ۆاگوندارىنىڭ پاركى 3 مىڭ بىرلىكتەن اسادى, بۇل توزىعى جەتكەن ۆاگوندارعا قاتىستى پروبلەمانى شەشۋگە مۇمكىندىك بەرەدى. الايدا جەكە تاسىمالداۋشىلار ءوز ۆاگوندارىن جاڭارتۋدا قيىندىقتارعا تاپ بولىپ جاتىر», دەدى ولجاس بەكتەنوۆ.
وسى ماقساتتا ول كولىك مينيسترلىگى جەكە تاسىمالداۋشىلاردى قولداۋ شارالارىن ازىرلەۋدى تاپسىردى. بۇل جالپى جولاۋشىلار جانە جۇك تاسىمالىنىڭ ساپاسىنا وڭ اسەر ەتەدى.
ونەركاسىپ جانە كولىك مينيسترلىكتەرىنە كاسىپورىنداردى ۇزاقمەرزىمدى كەلىسىمشارتتارمەن قامتاماسىز ەتە وتىرىپ, ماشينا جاساۋ ءوندىرىسىن لوكاليزاتسيالاۋدى كەزەڭ-كەزەڭمەن ارتتىرۋعا باعىتتالعان ۇلگىلىك كەلىسىمدەردى ازىرلەۋ مىندەتى قويىلدى.
