كاسىپكەرلىك قۇزىرەتتەردى دامىتۋ جانە بيزنەسمەندەردىڭ كاسىبي ءوسۋى سالاسىندا بىرلەسكەن جۇمىس تۋرالى ەكى جاقتى مەموراندۋمعا عىلىم جانە جوعارى ءبىلىم ءمينيسترى ساياسات نۇربەك پەن «دامۋ» كاسىپكەرلىكتى دامىتۋ قورىنىڭ باسقارما توراعاسى فارحات سارسەكەەۆ قول قويدى.
كەزدەسۋ بارىسىندا تاراپتار كۋرس نارىقتىڭ ناقتى قاجەتتىلىكتەرىنە بەيىمدەلىپ, قازىرگى زامانعى سىن-تەگەۋرىندەرگە باعدارلانادى, ال وقىتۋ باسقارۋشىلىق داعدىلاردى دامىتۋعا جانە بيزنەس وكىلدەرىنىڭ ىسكەرلىك بىلىكتىلىگى مەن قارجىلىق ساۋاتتىلىق دەڭگەيىن ارتتىرۋعا مۇمكىندىك بەرەدى دەپ كەلىستى. قۇجات تاراپتاردىڭ كاسىپكەرلىكتى قولداۋعا جانە ەلدىڭ ەكونوميكالىق وسۋىنە جاردەمدەسۋگە باعىتتالعان ۇزاق مەرزىمدى جانە ناتيجەلى ارىپتەستىككە ۇمتىلىسىن راستايدى.
مينيستر س.نۇربەك وتىرىستا ەلىمىزدەگى جوعارى وقۋ ورىندارىندا ءبىلىم بەرۋ ۇدەرىسىن جەتىلدىرۋگە باعىتتالعان شارالار تۋرالى كەڭىنەن اقپارات بەرىپ, ءبىلىم بەرۋ باعدارلامالارى مەن كۋرستارىن جۇزەگە اسىرۋدى قولداۋعا دايىن ەكەنىن جەتكىزدى.
فارحات سارسەكەەۆ ءوز سوزىندە «دامۋ» قورى بيزنەستى, اسىرەسە وڭىرلەردە قولداۋدىڭ ءبىلىم بەرۋ قۇرالدارىن كەڭەيتۋگە مۇددەلى ەكەنىن جانە ۋنيۆەرسيتەتتەرمەن ىنتىماقتاستىقتى قازاقستانداعى كاسىپكەرلىكتى دامىتۋدىڭ ستراتەگيالىق باعىتى رەتىندە قاراستىراتىنىن اتاپ ءوتتى.
