عىلىم جانە جوعارى ءبىلىم مينيسترلىگى الماتى قالاسىندا ستۋدەنتتەردى جاتاقحاناداعى ورىنمەن قامتاماسىز ەتۋ ماقساتىندا احۋالدىق ورتالىق جۇمىس ىستەيدى. بۇل ورتالىق ستۋدەنتتەردى جوعارى وقۋ ورىندارى جانىنداعى جاتاقحانالارداعى بوس ورىندار تۋرالى حاباردار ەتەدى.
احۋالدىق ورتالىقتىڭ بايلانىس نومىرلەرى:
- +7 700-255-14-43;
- +7 700-950-95-28;
- +7 727-237-01-70.
ەسكە سالا كەتسەك, اتالعان ورتالىق سالالىق مينيسترلىك پەن جەرگىلىكتى اكىمدىكتىڭ باستاماسىمەن ستۋدەنتتەردى جاتاقحانامەن قامتاماسىز ەتۋ ماقساتىندا قازاق ۇلتتىق قىزدار پەداگوگيكالىق ۋنيۆەرسيتەتىنىڭ بازاسىندا اشىلعان بولاتىن.
اشىلۋىندا عىلىم جانە جوعارى ءبىلىم ءمينيسترى ساياسات نۇربەك: ء«ار جوعارى وقۋ ورنىنىڭ جانىنان ارنايى تسيفرلىق پلاتفورما قۇرىلدى. ول وتاندىق جوعارى وقۋ ورىندارىنىڭ 80%-ندا بار. ايتا كەتەيىك, نارحوز جانە Satbayev University-دە ستۋدەنت جاتاقحانادان بولمەنى, ورىندى ءوزى تاڭدايدى. ال جاتاقحانادان ورىن الا الماعان ستۋدەنتتەر قازاق ۇلتتىق قىزدار پەداگوگيكالىق ۋنيۆەرسيتەتىنىڭ بازاسىندا اشىلعان احۋالدىق ورتالىقتىڭ كومەگىنە جۇگىنە الادى. سونداي-اق الماتىدا بوس ورىن تابا الماي قيىن جاعدايعا تاپ بولعان ستۋدەنتتەرگە ۋنيۆەرسيتەتتەرمەن بىرلەسە توتەنشە جاعدايعا ارنالعان 55 ارنايى بولمە دايىندادىق», دەگەن ەدى.
