فوتو: اۋىل شارۋاشىلىعى مينيسترلىگى
ماقسات – ورگانيكالىق ءونىم ءوندىرۋ مەن وڭدەۋگە يننوۆاتسيالار ەنگىزۋ, سونداي-اق اگرارلىق-ونەركاسىپتىك كەشەن (اوك) سالاسىندا تەحنوپاركتەر مەن ينجينيرينگتىك ورتالىقتار جەلىسىن قالىپتاستىرۋ.
اۋىل شارۋاشىلىعى مينيسترلىگىنىڭ مالىمەتىنشە, تەحنوپارك قۇرامىنا Seifullin University بازاسىندا ورنالاساتىن عىلىمي-تەحنولوگيالىق بلوك كىرەدى. وندا بيزنەس-ينكۋباتور, ءبىلىم تاراتۋ ورتالىعى, زەرتحانالار جانە كوممەرتسيالاندىرۋ كەڭسەسى جۇمىس ىستەيتىن بولادى. ورگانيكالىق ەگىنشىلىك پەن وڭدەۋ بويىنشا وندىرىستىك الاڭ باراەۆ اتىنداعى عوو بازاسىندا قۇرىلادى. ەگىن شارۋاشىلىعى سالاسىنداعى ورگانيكالىق ونىمدەردى سەرتيفيكاتتاۋ باعىتىندا لاتۆيانىڭ پريەكۋلە قالاسىنداعى ەۋروپالىق سەرتيفيكاتتاۋ جانە سىناق ورتالىعىمەن بىرلەسىپ جۇمىس جۇرگىزىلىپ جاتىر. ءداندى داقىلداردى ورگانيكالىق ونىمدەرگە – جارما, تاڭعى قۇرعاق اس جانە مال ازىعى تۇرىندە وڭدەيتىن جابدىقتى مونتاجداۋ جۇمىستارى اياقتالۋعا جاقىن.
ورگانيكالىق مال شارۋاشىلىعى مەن مال ازىعى ءوندىرىسى بويىنشا ينجينيرينگتىك ورتالىق «سولتۇستىك قازاقستان اۋىل شارۋاشىلىعى تاجىريبە ستانتسياسى» جشس بازاسىندا ورنالاسادى. مۇندا «اقىلدى» ورگانيكالىق فەرمالاردى باسقارۋعا ارنالعان تسيفرلىق پلاتفورما ازىرلەنگەن. ول ءوندىرىس پەن وڭدەۋدىڭ بارلىق كەزەڭىن ەسەپكە الىپ, ورگانيكالىق ونىمدەردىڭ القاپتان دۇكەن سورەسىنە دەيىنگى بۇكىل جولىن قاداعالاۋعا مۇمكىندىك بەرەدى.
اتالعان جوبا زاماناۋي ءارى تۇراقتى اۋىل شارۋاشىلىعىن دامىتۋعا, ەلدىڭ ەكسپورتتىق الەۋەتىن ارتتىرۋعا جانە ەكولوگيالىق تازا ءوندىرىستى دامىتۋ ءۇشىن جاعداي جاساۋعا ىقپال ەتپەك.
