فوتو: ۆيدەودان الىنعان كادر
وقيعا تۇسىپبەكوۆ كوشەسىندە بولعان. بەينەجازبادا بالالاردىڭ سىرعاناقتىڭ استىنا شۇبەرەك قويىپ, ونى ورتەگەنى انىق كورىنەدى. قىسقا ۋاقىت ىشىندە جالىن پلاستيكتەن جاسالعان قۇرىلىمدى شارپىپ, جاقىن ماڭداعى ورىندىقتارعا تاراعان.
جەزقازعان قالالىق پوليتسيا باسقارماسى وقيعاعا قاتىسى بار جاسوسپىرىمدەردىڭ تۇلعاسىن انىقتاعان. اتالعان فاكتى بويىنشا ولاردىڭ اتا-انالارى اكىمشىلىك جاۋاپكەرشىلىككە تارتىلعان.
ەستەرىڭىزگە سالا كەتەيىك, بۇعان دەيىن وسكەمەن قالاسىندا جانارماي قۇيۋ بەكەتىندە ەر ادام ابايسىزدا ءوز كولىگىن ورتەپ جىبەرگەن ەدى. ول جانارماي قۇيۋ كەزىندە كولىكتىڭ جانىندا وتتىقپەن تۇرعان ساتىندە كولىك وتقا ورانعان.
