وتكەن ايدا جۇرەگىم سىر بەرىپ, قان قىسىمىم 200-دەن استى. الماتى وبلىسىنىڭ تالعار اۋداندىق اۋرۋحاناسىنا اۋىر حالدە ءتۇستىم. اق حالاتتى ابزال جاندار ەكى جارىم تاۋلىك بويى قان قىسىمىمدى قالىپقا كەلتىرۋ ءۇشىن جانتالاستى. وتىز شاقىرىم جەردەگى الماتى وبلىسىنا قاراستى كوپسالالى كلينيكالىق اۋرۋحاناعا جەتۋ مۇڭ بولىپ, اجالمەن ارپالىستىم. قۇداي قاراسىپ, ءوز ىسىنە بەرىلگەن مامانداردىڭ كومەگىمەن ءۇشىنشى كۇنى دەگەندە الماتى وبلىستىق اۋرۋحاناسىنا جەتتىم.
«باسى اۋىرماعاننىڭ قۇدايمەن ءىسى جوق» دەيدى قازاق. بىلتىر تاعى دا جۇرەگىم مازالاپ, مايرا الىمبەتوۆا باسقاراتىن وبلىستىق اۋرۋحانادا ەكى تامىرىما ستەنت قويعىزىپ, ەمدەلىپ شىققان ەدىم. سول كەزدەگى كوز تانىستىقتىڭ سەبەبى بولار, كارديولوگيا بولىمشەسىنىڭ مەڭگەرۋشىسى گۇلزارا پارحاتوۆا: ء«وزىمىزدىڭ اتامىز كەلدى», دەپ قۇراق ۇشىپ قارسى الدى. ەكى اپتا ىشىندە گۇلزارا ابدۋللاقىزىنىڭ بارلىق ەمدەلۋشىگە جاساعان قامقورلىعىن كوزبەن كوردىم. ەمدەۋشى دارىگەرىم يسمات ارزىمانوۆا دا ماعان ءوز قىزىمداي جاقسى قاراپ, قولىنان كەلگەن كومەگىن ايانىپ قالمادى.
ون ەكى مۇشەنىڭ باستىسى – جۇرەك سىر بەرىپ, ونى ۇزدىكسىز سوقتىرىپ تۇراتىن يكد يمپلانتاتسيا-سىن جاساۋ كەرەكتىگى انىقتالعاندا, ۋايىمىم قايتا كۇشەيدى. دەسە دە, رەنتگەنەندوۆاسكۋليارلىق حيرۋرگيا بولىمشەسىنىڭ مەڭگەرۋشىسى ارمان سادىقوۆ, دارىگەر-اريتمولوگ نۇربولات جاماي ۇلى بيگەلديەۆ, دارىگەر التاي جولداسباي سىندى بىلىكتى ماماندار يكد يمپلانتاتسياسىن دا ءساتتى جاساپ, ومىرىمە تونگەن قاۋىپ بۇلتىن سەيىلتتى.
تۇيىندەي ايتقاندا, اينالدىرعان ەكى اپتا ىشىندە وبلىستىق اۋرۋحانانىڭ باسشى دارىگەرلەرىنەن باس-تاپ, مەدبيكە, سانيتارلارعا دەيىن بۇقارا الدىنداعى مىندەتىنە جاۋاپكەرشىلىكپەن قارايتىنىنا كوزىم جەتتى. وسى ورايدا ناۋرىز مەرەكەسى قارساڭىندا اق حالاتتى ابزال جاندارعا العىس ايتىپ, «كوكتەمگى جىلىلىق بارشا دارىگەرلەر قاۋىمىنىڭ جاندارىنا شۋاق قۇيسىن!» دەگىم كەلەدى.
بىرلىك نۇرساپا ۇلى,
زەينەتكەر
