"جەرۇيىق" ساياباعىنداعى كۇيشىلەر اللەياسىنا تۇرعىزىلعان بۇل ءمارمار تاسقا 110 جىراۋ مەن جىرشىنىڭ اتى-ءجونى قاشالعان. بۇعان دەيىن مۇنداي مونۋمەنت كۇيشى-كومپوزيتورلەرگە قويىلىپتى. وندا حالقىمىزدىڭ ۇلى سازگەرلەرىنىڭ ەسىمى جازىلعان.
جىراۋلار مەن جىرشىلار ەسىمى قاشالعان ەسكەرتكىشتىڭ اشىلۋ سالتاناتىندا ءسوز سويلەگەن ەرالى توعجانوۆ ازاتتىقتىڭ قادىرى مەن استانا كۇنىنىڭ ماڭىزىنا توقتالا كەلە, دومبىرا كۇنىندە اشىلىپ جاتقان ەسكەرتكىش تاستى تاريحقا تاعزىم رەتىندە باعالادى. "ازاتتىق الىپ, استانالى ەل بولماعاندا مۇنداي يگىلىككە جەتە الار ما ەدىك؟ دومبىرا مەن قازاقتىڭ قازاقستاننان باسقا جاناشىرى جوق جەر بەتىندە" دەگەن ويدى ارقاۋ ەتتى پرەمەر-مينيستر كەڭەسشىسى.
سالتاناتتى شارادا اتالعان يگىلىكتىڭ اشىلۋىنا مۇرىندىق بولعان "كۇي اناسى" قوعامدىق قورىنىڭ باسشىسى تولەگەن قۋانىشەۆ, الماتى اۋدانىنىڭ اكىمى رۇستەم تاۋەكەلوۆ ءسوز سويلەپ, اتسالىسقان ونەرپازدارعا العىس حات پەن سىي-سياپات جاسادى. بەلگىلى جىرشىلار اماندىق كومەكوۆ, الماس الماتوۆ, تاعى باسقا كۇيشى, ونەرپازدار ونەر كورسەتتى.
