حالىق ۇنىنە قۇلاق ءتۇردى

150 ورىندىق بۇل نىساننىڭ جالپى اۋماعى 12 مىڭ شارشى مەتردەن اسادى. قۇرىلىس اياقتالعان سوڭ, جىل سايىن مۇندا 1 500-1 800 ادامعا مەديتسينالىق قىزمەت كورسەتىلەدى. ولار كەشەندە تاۋلىك بويى ەم-دوم الۋعا جانە بارلىق قاجەتتى وڭالتۋ تۇر­لەرىنە قول جەتكىزۋگە مۇمكىندىك الادى. الايدا جوبانى قايتا پىسى­قتاۋ مەن قارجىلاندىرۋدىڭ جەتكىلىك­سىزدىگىنە بايلانىستى ورتالىق 2027 جىلى عانا پايدالانۋعا بەرىلەدى دەپ جوسپارلانىپ وتىر.

– ءبىز پرەزيدەنتتىڭ تاپسىرمالارى مەن مىڭداعان وتباسىنىڭ ءۇمىتى اقتالۋىن جانە مەرزىمىندە ورىندالۋىن قاداعالايمىز. وبلىس ورتالىعىندا ومىرلىك ماڭىزى بار نىساننىڭ جىلدار بويى ىسكە قوسىل­ماۋى – ەشقانداي اقتاۋعا كەلمەيدى. «Amanat» پارتياسى ناقتى شارا­لار قابىلداۋدى تالاپ ەتىپ, مەرزىم­دەردىڭ بۇزىلۋىنا جاۋاپتى ادامداردى انىقتاپ, جاۋاپ­كەرشىلىككە تارتۋدى كوزدەيدى, – دەدى دەپۋتات.

ال ءماجىلىس دەپۋتاتى, «Amanat» پارتياسى فراكتسياسىنىڭ مۇشەسى رۋسلان قوجاسباەۆ وڭىرلىك جەتىسۋ وبلىستىق فيليالىندا قوعامدىق قابىل­داۋ وتكىزدى. تۇرعىندار ايماق­تاعى ءبىلىم وشاعىنىڭ تەحنيكالىق جاعدايىنا, وزەن ارناسىن تازالاۋعا جانە مۇگەدەكتىگى بار ادامدارعا قول­جە­تىم­دى ءارى جايلى ورتا قالىپتاس­تىرۋعا قاتىستى ماسەلەلەر كوتەردى.

– ءبىلىم وشاعى سوناۋ 1982 جىلى سالىنعان. بۇگىندە نىساننىڭ جاعدايى وتە ناشار, وقۋشىلار ءۇشىن اسا قاۋىپتى. توزىعى جەتكەن مەكتەپتە 33 جىل بويى جوندەۋ جۇمىسى جۇرگىزىلگەن جوق. اۋىل تۇرعىندارى تاراپىنان ارىز-شاعىم ءجيى ايتىلادى. كۇردەلى جوندەۋ جۇرگىزۋگە قاجەت جوبالىق سمەتالىق قۇجات پەن ساراپتاما دايىندالىپ جاتىر. وسىعان باي­لانىستى جوندەۋ جۇمىسىنا قا­جەت قاراجاتتىڭ بولىنۋىنە ىق­پال ەتۋىڭىزدى سۇرايمىن, – دەدى پان­فيلوۆ اۋدانى ۇلكەنشىعان اۋىلىنىڭ تۇرعىنى تويلىباي دومباعۇلوۆ.

ءوز كەزەگىندە ءماجىلىس دەپۋتاتى رۋسلان قوجاسباەۆ كەيىنگى 3 جىلدا وڭىردە ءبىلىم سالاسىنا قاتىستى 20 نىسان سالىنعانىن جانە ولاردىڭ 15-ءى ءبىلىم وشاعى ەكەنىن اتاپ ءوتىپ, ۇلكەنشىعان اۋىلىنداعى مەكتەپتىڭ قازىرگى جاعدايى دا نازاردان تىس قالمايتىنىن جەتكىزدى.

تۇركىستان وبلىسىنا جۇمىس ساپارىمەن بارعان ءماجىلىس دەپۋتاتتارى قايرات بالابيەۆ, نۇرسۇلتان بايتىلەسوۆ, تەمىر قىرىقباەۆ, ۇلاسبەك سادىبەكوۆ قايناربۇلاق اۋىلدىق وكرۋگىنىڭ تاسكەشۋ ەلدى مەكەنىندە «Gen Group Kazakhstan» جشس-نىڭ بانان ءوسىرۋ جىلىجاي كەشەنىن كورىپ قايتتى. جالپى الاڭى 5,3 گەكتار اۋماقتى الىپ جاتقان نىسان تمد كەڭىستىگىندە العاشقىلاردىڭ ءبىرى بولىپ تروپيكالىق ءونىمدى جەرسىندىرىپ, بانان ءوسىرۋ ءىسىن قولعا العان. مۇندا جىلىنا 1 مىڭ توننا ءونىم الىنىپ, ىشكى نارىقتى قامتاماسىز ەتىپ وتىر.

– مەملەكەت باسشىسىنىڭ جارلى­عىمەن بيىل «جۇمىسشى ماماندىق­تارى جىلى» بولىپ جاريا­لاندى. اتاۋلى جىلعا وراي, كاسىپ­ورىنداردىڭ, شارۋاشىلىق­تاردىڭ جۇمىسىمەن تانىسىپ, بولاشاعىنان ءۇمىت كۇتتىرەتىن كاسىبي مامانداردى پارتيالىق قىزمەتكە تارتۋدى ماقسات ەتىپ وتىرمىز. ءبىز ءوز ءىسىنىڭ بىلىكتى ماماندارىنا ءاردايىم قولداۋ كورسەتەمىز. وسىدان ءۇش جىل بۇرىن ءماجىلىس توراعاسى ەرلان جاقان ۇلى جىلىجاي شارۋاشىلىقتارىنىڭ جۇمى­سىمەن تانىسىپ, ولار­دىڭ وزەكتى ماسەلەلەرىن تىڭدادى. بۇگىندە جىلىجاي شارۋاشىلىقتارىنداعى بارلىق ماسەلە شەشىلدى دەۋگە بولادى. سالا قارقىندى دامۋ جولىنا ءتۇستى. وعان دالەل – وسىن­داي بانان وسىرەتىن جىلىجاي شا­رۋاشىلىعىنىڭ جۇمىسى. ەلىمىزدە جاڭا سۋ كودەكسى قابىلداندى, بالىق شارۋاشىلىعىن دامىتۋعا مۇمكىندىك بەرەتىن قۇقىقتىق مەحانيزمدەر ءتۇزىلدى. ناتيجەسىندە, ەلىمىز بويىنشا بالىق شارۋا­شىلىعى ىرگەلى قادام باسىپ كەلەدى, – دەدى ق.بالابيەۆ.

«اق جول» پارتياسى فراكتسيا­سىنىڭ مۇشەسى, ءماجىلىس دەپۋتاتى ازات پەرۋاشەۆ اقسۋ ەلەكتر ستانساسىنا باردى. وندا كادر دايارلاۋ, جاستاردى وندىرىستىك سالاعا تارتۋ مەن جۇمىسشى ماماندىقتارىنىڭ بەدەلىن ارتتىرۋ ماسەلەسىنە نازار اۋدارىلدى.

– ەنەرگەتيكا ماسەلەسىنە ءبىز ەرەكشە كوڭىل ءبولىپ وتىرمىز. بۇرىنعى زاماننان مۇرا بولىپ قالعان قۋات كوزدەرىنىڭ توزىعى جەتتى. ۇكىمەت گەنەراتسيالىق قۋات پەن جەلىلەردى جاڭارتۋ جانە جاڭعىرتۋ ءۇشىن ۇكىمەت رەزەرۆىنەن قاراجات ءبولۋ تۋرالى بىرنەشە شەشىم قابىلدادى, – دەدى ا.پەرۋاشەۆ.