دۇكەندەردە ارنايى ورناتىلعان فليۋوروسكوپ دەپ اتالاتىن قۇرىلعى اياق كيىمدى اياققا كيگەن قالپىندا رەنتگەن ارقىلى سۇيەك قۇرىلىمىن ەكراندا كورسەتۋگە مۇمكىندىك بەرەتىن. بۇل ساتىپ الۋشىعا عانا ەمەس, ساتۋشىعا دا قولايلى بولاتىن. ويتكەنى اياق كيىمنىڭ تابانعا قالاي ورنىققانى, سۇيەكتەرگە قىسىم ءتۇسىپ-تۇسپەيتىنى بىردەن انىقتالاتىن. ءتىپتى بالالارعا دا وسى ءادىس ءجيى قولدانىلعان, ياعني اتا-انالار اياق كيىمنىڭ ناقتى ساي كەلەتىنىن رەنتگەن ارقىلى قاراپ بارىپ ساتىپ الاتىن.
الايدا ول كەزەڭدە رادياتسيانىڭ دەنساۋلىققا ۇزاقمەرزىمدى زيانى تۋرالى عىلىمي دالەلدەر از ەدى. سونداي-اق قاۋىپسىزدىك نورمالارى, ساۋلەنىڭ شەكتى دوزاسى تۋرالى ەرەجەلەر مۇلدەم قالىپتاسپاعان. بۇدان بولەك قۇرىلعىلار ەشقانداي قورعانىسسىز قولدانىلعان, ال ساتۋشىلار كۇن سايىن بىرنەشە ساعات بويى فليۋوروسكوپ جانىندا تۇراتىن.
تەك ەكىنشى دۇنيەجۇزىلىك سوعىستان كەيىن عانا عالىمدار بۇل تاجىريبەنىڭ قاۋىپتى جاعىن بايقاي باستادى. رەنتگەن ساۋلەسىمەن ارتىق اسەرلەنۋ – ساۋلەلىك زاقىم, تەرى اۋرۋلارى, ءتىپتى ونكولوگيالىق قاتەرگە اكەلۋى مۇمكىن ەكەنى بەلگىلى بولدى.
سول كەزدەن باستاپ فليۋوروسكوپتار دۇكەندەردەن الىنا باستادى. دەگەنمەن كەي ەلدەردە بۇل قۇرىلعىلار 1970-جىلدارعا دەيىن قولدانىلىپ كەلگەن.
