فوتو: hometownlife.com
Daily Mail مالىمەتىنشە, ول ءوزىنىڭ ساپارى ءۇشىن ءۇيىن ساتىپ, الدىمەن رەسەيگە, ودان كەيىن تۇركياعا, ءارى قاراي بۇكىل افريكا قۇرلىعى, تاياۋ شىعىس, قازاقستان, ازيا, وكەانيا, ەۋروپا جانە وڭتۇستىك امەريكاعا ساپار شەككەن. ول ءار ەلدە ەڭ از ۋاقىت دەگەندە ءبىر ءتۇن تۇنەپ وتىرعان. ارالاعان ەلىندە ءتۇرلى ادامداردىڭ اڭگىمەلەرىن تىڭداپ, ولاردىڭ ەڭ باقىتتى ءساتى تۋرالى ۆيدەو دا تۇسىرگەن.
مايكل زەرۆوسقا تىنىق مۇحيتىنداعى ساموا ارالى قاتتى ۇناعان:
«بۇل – جەردەگى جۇماق. تو-سۋا – تابيعي سۋ قويماسىنىڭ سۇلۋلىعىنا ەشتەڭە تەڭ كەلمەيدى. ونىڭ ۇستىنە ساموا قارجى جاعىنان دا قولجەتىمدى» دەسە, بۋتان – گيمالاي شەكاراسىنداعى بۋدديستىك كورولدىك ونى تەرەڭ مادەنيەتىمەن تاڭعالدىرىپ: «مۇندا ءبارى شىنايى. ادامدار داستۇرمەن ءومىر سۇرەدى. بۇل ءوز جانىڭدى اينادان كورگەندەي اسەر ەتەدى», دەگەن, ال لەسوتو – «اسپان استى كورولدىگى» تەڭىز دەڭگەيىنەن مىڭ مەتر بيىكتىكتە ورنالاسقان ەل – ەرەكشە تابيعاتى جانە قوناقجايلىلىعىمەن ەسىندە قالىپ: «تاۋلى قالاعا كوتەرىلۋ – باسقا عالامشارعا وتكەندەي», دەپ ايتقان.
زەرۆوس ءتىپتى سولتۇستىك كورەيادا دا بولىپ, باسقالار ءۇشىن جابىق ەلدىڭ حالقى اشىق مىنەزدى بولىپ شىققانىنا تاڭ قالعان. ولارمەن ءدىن, ساياسات جانە ءومىر تۋرالى اڭگىمەلەسە كەلە, ماسەلە ادامداردا ەمەس رەجيمدە ەكەنىن تۇسىنگەن.
اقش-تاعى قالىپتى ومىرىنە ورالعان ساياحاتشى الەمدىك ساپارى دۇنيەتانىمىن تۇبەگەيلى وزگەرتكەنىن ايتقان.
زەرۆوس بۇۇ-عا مۇشە 193 ەلدە, سونداي-اق باقىلاۋشى مارتەبەسىنە يە ۆاتيكان مەن پالەستينادا بولعان. گيننەستىڭ رەكوردتار كىتابى جاھاندىق جەتىستىكتەردى تىركەۋ كەزىندە ءدال وسى ساندى قولدانادى.
