سۋرەت: 7-su.kz
سونداي مۇمكىندىكتى بارىنشا پايدالانىپ, ءوزىن جان-جاقتى جەتىلدىرۋدى كوزدەگەن وتانداسىمىز, حالىقارالىق ينجەنەرلىك-تەحنولوگيالىق ۋنيۆەرسيتەتىنىڭ 1-كۋرس ستۋدەنتى رومان ستەپانەتس اتاقتى «Coursera» پلاتفورماسىندا 260 كۋرستان ءوتىپ, قازاقستان جوعارى وقۋ ورىندارى اراسىندا كوش باستادى.
«تۋريزم» ماماندىعىندا وقيتىن ول باسقارۋ, قارجى, پسيحولوگيا, بۇقارالىق اقپارات قۇرالدارى جانە جاساندى ينتەللەكت باعىتتارى بويىنشا الەمنىڭ جەتەكشى وقۋ وردالارى – يەل, ستەنفورد, ميچيگان ۋنيۆەرسيتەتى, ۋەسليان جانە باسقا دا وقۋ ورىندارىنان 12 مامانداندىرۋ باعدارلاماسىن مەڭگەردى. روماننىڭ جەكە ۇزدىك كۋرستار تىزىمىندە يەل ۋنيۆەرسيتەتىنىڭ «قارجى نارىقتارى» كۋرسى, سونداي-اق ۋەسليان جانە پەنسيلۆانيا ۋنيۆەرسيتەتتەرىنىڭ پسيحولوگيا مەن جاساندى ينتەللەكت كۋرستارى بار.
ء«وزىن-ءوزى دامىتۋ – مەن ءۇشىن ءومىر سالتى. «Coursera» ماعان ەڭ ۇزدىك وقىتۋشىلاردان ءبىلىم الۋعا مۇمكىندىك بەردى, مەن بۇل مۇمكىندىكتى تولىق پايدالانۋعا تىرىستىم», دەدى ستۋدەنت.
رومان العان ءبىلىمىن بەلسەندى تۇردە قولدانىپ ءجۇر, «Coursera» پلاتفورماسىندا باسقا ستۋدەنتتەرگە وقۋدا قولداۋ كورسەتىپ, كوممۋنيكاتسيا مەن تسيفرلىق ءبىلىم بەرۋ سالاسىنداعى داعدىلارىن جەتىلدىرىپ جاتىر. كەيىپكەرىمىز دارىستەردەن تىس ۋاقىتتا مۋزىكامەن, سپورتپەن جانە كىتاپ وقۋمەن اينالىسادى.
