بۇل دەرەكتەر وبلىس پروكۋراتۋراسى مەن كاسىپكەرلەر پالاتاسىنىڭ ۇيىمداستىرۋىمەن وتكەن «بيزنەس جانە ينۆەستيتسيانى قورعاۋ» فورۋمىندا كەلتىرىلدى. كاسىپكەرلەردىڭ قۇقىن قورعاۋ, وڭىردەگى بيزنەسكە كەدەرگى كەلتىرەتىن جۇيەلى ماسەلەلەردى انىقتاپ, ۋاكىلەتتى ورگاندارمەن بىرلەسىپ شەشۋ جولدارىن تابۋ ماقساتىنداعى فورۋمدا, سونداي-اق 4,7 ملرد تەڭگەگە كاسىپكەرلەردىڭ م ۇلىكتىك قۇقىقتارى قورعالعانى ايتىلدى.
سوتتا 57 ءىستىڭ 26-سى كاسىپكەر پايداسىنا شەشىلگەن. كەڭەستە قارالعان 34 ماسەلە بويىنشا 191 ۇسىنىستىڭ 78%-ى ورىندالدى. «بيزنەسكە جول» جوباسى اياسىندا 30 وتىرىستا 55 ماسەلە تالقىلانىپ, 19-ى وڭ شەشىمىن تاپقان. وبلىس پروكۋرورى مۇرات تلەۋبەرديەۆ, سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ باسشىسى مۇرات تولەۋباەۆ, وبلىستىق پوليتسيا دەپارتامەنتىنىڭ باستىعى مۇرات قابدەنوۆ, وبلىستىق ءماسليحات توراعاسى نۇرالى ءابىشوۆ, وبلىس اكىمىنىڭ ورىنباسارى تالعات قوزبەكوۆ قۇقىق قورعاۋ جانە باقىلاۋشى مەملەكەتتىك ورگانداردىڭ, وبلىستىق باسقارمالاردىڭ وكىلدەرى جانە 100-گە جۋىق كاسىپكەر مەن ينۆەستور قاتىسقان فورۋمدا ماڭىزدى باياندامالار جاسالىپ, ءتيىستى ۇسىنىستار بەرىلدى.
فورۋم قورىتىندىسى بويىنشا كاسىپكەرلەر كوتەرگەن ماسەلەلەر باقىلاۋعا الىنىپ, ءاربىر ماسەلە بويىنشا ناقتى ۋاكىلەتتى ورگان جاۋاپتى بولىپ بەكىتىلدى.
تۇركىستان وبلىسى
