فوتو: kazgazeta.kz
پرەزيدەنت قاسىم-جومارت توقاەۆتىڭ 2026 جىلعا قاراي گەولوگيالىق-گەوفيزيكالىق بارلاۋ الاڭىن كەمىندە 2,2 ملن ش.ش. دەيىن ۇلعايتۋ تۋرالى تاپسىرماسىن ورىنداۋ ماقساتىندا ۇكىمەت ينۆەستيتسيالىق احۋالدى جاقسارتۋ, جەر قويناۋىن پايدالانۋ سالاسىنداعى زاڭنامانى جەتىلدىرۋ جانە جاڭا تەحنولوگيالاردى ەنگىزۋ بويىنشا جۇمىس باستالعان. اتاپ ايتقاندا, جاڭا پايدالى قازبالار كەن ورىندارىن ىزدەۋ بويىنشا بولجاۋ جانە اۋديت جۇمىستارى جۇرگىزىلۋدە. بۇرعىلاۋ جۇمىستارى بۇرعىلاۋ قاجەتتىلىگىن گەولوگيالىق نەگىزدەگەننەن كەيىن جۇرگىزىلەدى.
بۇگىنگى تاڭدا «Kazakhmys Barlau» جشس Greenfield جوباسى اياسىندا اباي اۋدانىندا بۇرعىلاۋ جۇمىستارى قىزۋ جالعاسۋدا. جالپى جوسپارلانعان بۇرعىلاۋ كولەمى - 3 000 جەل.م.
«ۆوستوكازنەدرا» ود ۇسىنعان مالىمەتتەرگە سايكەس, شىعىس قازاقستان جانە اباي وبلىستارىنىڭ اۋماعىندا جالپى سانى 530 كەن جانە مەتالل ەمەس كەن ورىندارى مەملەكەتتىك تەڭگەرىمگە ەنگىزىلگەن. ونىڭ 142-ءسى – كەندى پايدالى قازبالار, ونىڭ ىشىندە 73 – اسىل مەتالدار, 44 – ءتۇستى مەتالدار, 19 – سيرەك مەتالدار, 6 – قارا مەتالدار جانە وسىنشاما جانعىش پايدالى قازبالار كەن ورىندارى بار. 382 كەن ورنى – كەندى ەمەس پايدالى قازبالارعا جاتادى.
2024 جىلى 6 كەن ورنى العاش رەت مەملەكەتتىك تەڭگەرىمگە ەنگىزىلگەن: شىعىس قازاقستان وبلىسىندا 3 كەن ورنى – ريددەر مىرىش زاۋىتىنىڭ (رمز) ونەركاسىپتىك الاڭى جانىنداعى كلينكەر ءۇيىندىسى, كۋلۋدجۋن وزەن اڭعارىنداعى شوگىندى, ەرتىس مىس قورىتۋ زاۋىتىنىڭ № 1, 2, 3 جانە 5 ۇيىندىلەرى, اباي اۋدانىنداعى 3 – تۇز, تمو ورتالىق مۇقىر جانە ۆاۆيلونسكوە.
