2022 جىلدىڭ ساۋىرىندە اپاتتى دەپ تانىلعان سام اۋىلىنداعى «سام» مەكتەپ-بوبەكجاي كەشەنىنىڭ ورنىنا جاڭا ءبىلىم وشاعى بوي كوتەرەدى. قۇرىلىس جۇمىستارىن «سكا-سترويمونتاج» جشس جۇرگىزىپ جاتىر.
قازىرگى تاڭدا نىساندا ىشكى جانە سىرتقى ارلەۋ جۇمىستارى قارقىندى جۇرۋدە. ىشكى ارلەۋ 97 پايىزعا اياقتالعان. سونىمەن قاتار اۋلاعا اسفالت توسەۋ, كەسپە تاس (برۋسچاتكا) سالۋ, كارىز جۇيەسىن ورناتۋ جانە ەلەكتر جەلىلەرىن تارتۋ جۇمىستارى جالعاسىپ جاتىر. قۇرىلىس تامىز ايىندا تولىق اياقتالىپ, قىركۇيەك ايىندا پايدالانۋعا بەرىلەدى.
بۇدان بولەك, وبلىس بويىنشا «جايلى مەكتەپ» ۇلتتىق جوباسى اياسىندا جالپى 8100 ورىنعا ارنالعان 9 مەكتەپتىڭ قۇرىلىسى قارقىن العان. بۇل نىساندار دا جاڭا وقۋ جىلىندا وقۋشىلارعا ەسىگىن اشپاق.
