فوتو: عىلىم جانە جوعارى ءبىىلىم مينيسترلىگى
بەس ءپان بويىنشا ورتاشا بالل 61-ءدى قۇراعان. ەڭ جوعارى ناتيجەنى تۇركىستان وبلىسىنان ءابىلحان جانىبەك كورسەتىپ وتىر. ول ەڭ جوعارعى كورسەتكىشكە يە بولىپ, 140 بالل جيناعان ەدى.
تەستىلەۋگە قاتىسۋعا 216 مىڭ تالاپكەردەن 399 مىڭعا جۋىق ءوتىنىش ءتۇسىپ, باسىم بولىگى, ناقتى اتاعاندا, 20%-ى «ماتەماتيكا-فيزيكا», 17%-ى «شىعارماشىلىق ەمتيحان» پاندەر كومبيناتسياسىن تاپسىرعان, 11%-ى «بيولوگيا-حيميا» كومبيناتسياسىن تاڭداعان.
ايتا كەتەلىك, ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋ ناتيجەسىندە ۇبت-عا 163 تالاپكەر قاتىسقان.
عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنىڭ مالىمدەۋىنشە ۇبت باستالعان العاشقى اپتادا 55 ەرەجە بۇزۋ فاكتىسى انىقتالعان. 26 تالاپكەر سمارتفون, شپارگالكا الىپ كىرمەك بولعانى ءۇشىن تەستىلەۋدەن شەتتەتىلسە, تاعى 29 ادام تەستىلەۋ كەزىندە ەرەجە بۇزعانى ءۇشىن اۋديتوريادان شىعارىلىپ, ناتيجەلەرى جويىلعان.
ەسكە سالايىق, 2025 جىلعى ۇبت اياقتالعاننان كەيىن 31 قازانعا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجە بۇزۋ فاكتىلەرى انىقتالعان جاعدايدا ۇبت ناتيجەلەرى بىردەن جويىلادى.
