ەرلان قارين بالالاردى قورعاۋ بويىنشا ەلىمىزدە قولعا الىنىپ جاتقان نەگىزگى رەفورمالار تۋرالى, سونىڭ ىشىندە پسيحولوگيالىق جانە وتباسىلىق قولداۋ ورتالىقتارى جەلىسىن دامىتۋعا, زورلىق-زومبىلىق پەن بۋللينگتىڭ الدىن الۋعا ارنالعان جاڭا ادىستەمەلەردى ەنگىزۋگە قاتىستى جۇمىستار جونىندە ايتىپ بەردى. سونداي-اق وسى سالاداعى مەملەكەتتىك ساياساتتىڭ بارلىق باعىتىن بىرىكتىرەتىن «قازاقستان بالالارى» اتتى كەشەندى باعدارلاماعا توقتالدى.
رەدجينا دە دومينيچيس قازاقستاننىڭ حالىقارالىق مىندەتتەمەلەردى ىسكە اسىرۋ جولىنداعى جۇمىستارىن جوعارى باعالادى. ول قازاقستاننىڭ ورنىقتى دامۋ ماقساتتارىن ىلگەرىلەتۋ ىسىندە ماڭىزدى ءرول اتقاراتىنىن, جاڭا وڭىرلىك باستامالار اياسىندا بەلسەندى ىنتىماقتاستىققا دايىن ەكەنىن جەتكىزدى.
كەزدەسۋگە بالا قۇقىقتارى جونىندەگى ۋاكىل دينارا زاكيەۆا دا قاتىستى. ول ءسۋيتسيدتىڭ, زورلىق-زومبىلىق پەن بۋللينگتىڭ الدىن الۋعا باعىتتالعان شارالاردى قامتيتىن «Safe Kids» اتتى ۇلتتىق باعدارلامانى تانىستىردى.
جيىن قورىتىندىسىندا تاراپتار سەرىكتەستىكتى ودان ءارى تەرەڭدەتۋگە جانە وسكەلەڭ ۇرپاقتىڭ يگىلىگى ءۇشىن بىرلەسكەن باستامالاردى ىسكە اسىرۋعا مۇددەلى ەكەنىن راستادى.
