ءىس-شارا اياسىندا پاترۋلدىك پوليتسيا قىزمەتكەرلەرى ازاماتتىق كيىمدە, ارنايى بەلگىلەرى جوق كولىكتەرمەن باقىلاۋ جۇرگىزەدى. وسىلايشا, پوليتسيا جول قوزعالىسى ەرەجەلەرىن ورەسكەل بۇزۋ دەرەكتەرىن انىقتاپ, اسىرەسە اگرەسسيۆتى جۇرگىزۋ فاكتىلەرىن اشكەرەلەۋدى كوزدەپ وتىر. ولاردىڭ قاتارىندا كۇرت جولاق اۋىستىرۋ, «شاحمات» تاسىلىمەن ءجۇرۋ, باسقا كولىكتەردى قىسىپ ءوتۋ جانە اپاتتىق جاعدايلار تۋىنداتۋ سەكىلدى قاۋىپتى ارەكەتتەر بار.
الماتى كوشەلەرىندە تۇنگى اۆتوجارىستار جيىلەدى: پوليتسيا باقىلاۋدى كۇشەيتتى
اتالعان قۇقىق بۇزۋشىلىقتاردى تىركەي وتىرىپ, جاسىرىن پاترۋلدەر اقپاراتتى ناقتى ۋاقىت رەجيمىندە جاقىن ماڭداعى پاترۋلدىك پوليتسيا ەكيپاجدارىنا جولدايدى. كەيىن سول ەكيپاجدار كولىكتى توقتاتىپ, جۇرگىزۋشىنى زاڭنامادا بەلگىلەنگەن تارتىپپەن جاۋاپكەرشىلىككە تارتادى.
باتىس قازاقستان وبلىسىندا پوليتسياعا باعىنباعان ءبىر توپ ازامات ۇستالدى
«بۇل تاجىريبە ءوزىنىڭ تيىمدىلىگىن كورسەتتى. تەك وتكەن دەمالىس كۇندەرىنىڭ وزىندە الماتى قالاسىندا اگرەسسيۆتى جۇرگىزۋدىڭ 28 دەرەگى انىقتالدى. بارلىق قۇقىق بۇزۋشى جاۋاپكەرشىلىككە تارتىلدى. جاسىرىن پاترۋلدەۋ – كوزگە بىردەن تۇسە بەرمەيتىن ورەسكەل قۇقىق بۇزۋشىلىقتاردى انىقتاۋدىڭ ءتيىمدى قۇرالى. ءبىزدىڭ مىندەت – تەك جاۋاپكەرشىلىككە تارتۋ عانا ەمەس, قاۋىپسىز جۇرگىزۋ مادەنيەتىن قالىپتاستىرۋ», دەدى پد اكىمشىلىك پوليتسيا باسقارماسىنىڭ باستىعى ابدينۇر تاسىباەۆ.
قوستانايدا ءبىر توپ ماس ادام پوليتسيا قىزمەتكەرىنە شابۋىل جاسادى
