ۆەدومستۆونىڭ مالىمەتىنشە, قازىرگى ۋاقىتتا جاعداي تۇراقتى باقىلاۋدا. قولدا بار اقپاراتقا سايكەس, بۇل وقيعا قازاقستان مۇنايىنىڭ ەكسپورت كولەمىنە اسەر ەتكەن جوق.
ءمينيستردىڭ كەڭەسشىسى – رەسمي وكىل اسەل سەرىكپاەۆا اتاپ وتكەندەي, قازاقستاندىق شيكىزاتتى ماگيسترالدىق مۇناي قۇبىرلارى ارقىلى قابىلداۋ جانە تاسىمالداۋ قالىپتى جۇمىس رەجيمىندە جۇزەگە اسىپ جاتىر. ەكسپورتتىق جوسپارلار بەلگىلەنگەن كەستەگە سايكەس ورىندالۋدا.
دۋبايداعى درون شابۋىلىن ۆيدەوعا تۇسىرگەن شەتەلدىكتەر ۇستالدى
ايتا كەتەيىك, رەسەيلىك باق دەرەكتەرىنە سايكەس, 5 ءساۋىر كۇنى كراسنودار ولكەسىندە دروندار شابۋىلى بىرنەشە ساعات بويى جالعاسقان. ەڭ كوپ زارداپ نوۆوروسسيسك قالاسىندا تىركەلىپ, 8 ادام جاراقات العان. شابۋىلدىڭ نەگىزگى نىساندارىنىڭ ءبىرى – ستراتەگيالىق ماڭىزى بار «شەسحاريس» مۇناي تەرمينالى بولدى. بۇل نىسان ارقىلى, سونىڭ ىشىندە قازاقستان مۇنايى دا ترانزيتپەن تاسىمالدانادى, دەگەنمەن ونىڭ باسىم بولىگى كاسپي قۇبىر كونسورتسيۋمى (كقك) ارقىلى جونەلتىلەدى.
تۋاپسە پورتى مەن مۇناي وڭدەۋ زاۋىتىنا درون شابۋىلىنان كەيىن زاقىم كەلدى
بۇعان دەيىن دە, وتكەن جىلدىڭ كۇزىندە, وسى تەرمينالعا دروندار شابۋىلى جاسالعان بولاتىن. ول كەزدە مۇناي بازاسى مەن جاعالاۋ ينفراقۇرىلىمى زاقىمدانعانى حابارلانعان. الايدا قازاقستان ەنەرگەتيكا مينيسترلىگى سول كەزدە دە مۇناي قابىلداۋ مەن تاسىمالداۋ جۇمىستارىنىڭ ەش كەدەرگىسىز, قالىپتى رەجيمدە جۇرگىزىلگەنىن مالىمدەگەن.
