فوتو: gov.kz
سوڭعى جىلدارى استانادا شامامەن 500 قوعامدىق جانە اۋلا كەڭىستىگى اباتتاندىرىلعان. جەڭىس قاسىمبەك اباتتاندىرۋ بارىسىندا كوگالداندىرۋعا ەرەكشە نازار اۋدارىلعانىن اتاپ ءوتتى.
«مىڭجىلدىق» اللەياسىنداعى جۇمىس قۋانىشباەۆ اتىنداعى تەاتر الدىندا ورنالاسقان گۇلزار, تەمىرجول ۆوكزالى ماڭىنداعى پارك, «نۇرلى جول» ۆوكزالىنىڭ اۋماعىندا باستالادى. بۇل – ۇزىندىعى 4 شاقىرىمنان اساتىن ءىرى جەلىلىك ساياباقتى سالۋدىڭ العاشقى كەزەڭى. ول بولاشاقتا قالانىڭ نەگىزگى ورىندارىن ءبىرتۇتاس جاياۋ جۇرگىنشىلەر وسىنە بىرىكتىرەدى. سول سياقتى تولە بي كوشەسىنەن انەت بابا كوشەسىنە دەيىن, كۇلتەگىن كوشەسىنەن ايتماتوۆ كوشەسىنە دەيىنگى Greenline جاياۋ جۇرگىنشىلەر جەلەكجولىن (2-كەزەك) اباتتاندىرۋ جۇمىسى جالعاسىپ جاتىر. مۇندا ويىن جانە سپورت الاڭدارى, توعاندار جۇيەسى جانە باسقا دا نىساندار قاراستىرىلادى», دەپ جازدى جەڭىس قاسىمبەك.
وزگەرىستەر قالداياقوۆ, كەنەسارى كوشەلەرى, سونداي-اق ماڭگىلىك ەل, قابانباي باتىر, مومىش ۇلى جانە ۇلى دالا داڭعىلدارىن دا قامتيدى.
ەسىل وزەنى بويىمەن دە جاياۋ جۇرگىنشىلەر باعىتىن قالىپتاستىرۋ جۇمىسى جالعاسىپ جاتىر. سونداي-اق «بەيبىتشىلىك جانە كەلىسىم» ساياباعىن جاڭا كونگرەسس-ورتالىق باعىتىنا قاراي, «قالالىق رومانس» ساياباعىن اباتتاندىرۋ جۇمىسى جۇرگىزىلۋدە. سونىمەن قاتار كىشى تالدىكول اۋماعىندا ەكو-ساياباقتى اباتتاندىرۋ جۇمىسى باستالادى.
ء«شامشى الەمى»: استانادا كومپوزيتور قۇرمەتىنە مۋزىكالىق ينستاللياتسيا ورناتىلدى
سونداي-اق «تۇلپار» ساۋدا ءۇيى جانىنداعى, №119 مەكتەپ ماڭىنداعى, پۋشكين كوشەسىندەگى, ساتباەۆ كوشەسى مەن مومىش ۇلى داڭعىلىنىڭ قيىلىسىنداعى گۇلزارلار اباتتاندىرىلادى. سول سياقتى مومىش ۇلى داڭعىلى, قۇدايبەردى ۇلى كوشەسى, قوشقارباەۆ داڭعىلى جانە ت.ب. اۋماقتار قامتىلادى. قالا اكىمى وسى باعىتتاعى جۇمىستار ەلوردانىڭ بارلىق اۋدانىندا جۇرگىزىلەتىنىن مالىمدەدى.
