فوتو: اشىق دەرەككوز
قاقتىعىستىڭ سالدارى رەتىندە ورمۇز بۇعازىنداعى تەڭىز تاسىمالىنا قويىلعان شەكتەۋلەر ەلدىڭ مۇناي ەكسپورتىنا تىكەلەي اسەر ەتتى. سونىمەن قاتار, يران تاراپىنان جاسالعان سوققىلار مەن بىرقاتار حالىقارالىق ءىس-شارالاردىڭ توقتاتىلۋى دا ەكونوميكالىق شىعىندى ۇلعايتقان.
Bloomberg دەرەگىنە سايكەس, 2026 جىلدىڭ ناۋرىزىندا ساۋد ارابياسىنىڭ مۇناي ەكسپورتى 50% تومەندەپ, تاۋلىگىنە 3,33 ملن باررەلگە دەيىن ازايدى. ال اقپاندا بۇل كورسەتكىش 6,66 ملن باررەل بولعان.
قازىرگى تاڭدا پەرسيد شىعاناعىندا شامامەن 55 ملن باررەل ساۋد مۇنايى تاسىمالدانباي تۇر. بۇل – الەمدىك نارىقتاعى ەلەۋلى كولەم.
ەكسپورتتى تۇراقتاندىرۋ ءۇشىن بالاما باعىتتار ىسكە قوسىلدى. ەل بيلىگى مۇناي اعىندارىن «شىعىس-باتىس» قۇبىرى ارقىلى قايتا باعىتتاۋعا ءماجبۇر بولدى. بۇل قۇبىردىڭ وتكىزۋ قۋاتى تاۋلىگىنە شامامەن 7 ملن باررەلدى قۇرايدى.
سونىمەن بىرگە, قىزىل تەڭىزدەگى يانبۋ پورتى ارقىلى ەكسپورت كولەمى تاۋلىگىنە 3,2 ملن باررەلگە دەيىن ءوستى, بۇل وتكەن جىلعى ورتاشا كورسەتكىشتەن ءتورت ەسە جوعارى.
باررەلىنە 120 دوللار: مۇناي باعاسى سوڭعى 4 جىلداعى رەكوردتى جاڭارتتى
ەسكە سالايىق, اقش پەن ءيزرايلدىڭ يرانعا قارسى اسكەري وپەراتسياسى باستالعالى بەرى ورمۇز بۇعازى ارقىلى وتەتىن تاسىمال ءىس جۇزىندە توقتادى. بۇعاز الەمدىك مۇنايدىڭ 20% جانە سۇيىتىلعان گازدىڭ 30%-دان استامى وتەتىن ماڭىزدى باعىت ەدى.
قازىر تاسىمال كولەمى قالىپتى دەڭگەيدىڭ نەبارى 5%-ىن قۇراپ وتىر, ال الەمدىك نارىق شامامەن 400 ملن باررەل مۇنايدى جوعالتتى.
ورمۇز بۇعازى اينالاسىنداعى جاعداي تەك وڭىرلىك ەمەس, جاھاندىق ەنەرگەتيكالىق تۇراقتىلىققا تىكەلەي اسەر ەتىپ وتىر. قاقتىعىستىڭ ۇزاققا سوزىلۋى الەمدىك نارىقتاعى مۇناي باعاسىن ايتارلىقتاي ءوسىرىپ, كوپتەگەن ەلدەردىڭ ەكونوميكاسىنا اۋىر سوققى بەرۋى مۇمكىن.
تاۋلىگىنە 206 مىڭ باررەل: وپەك+ ەلدەرى مۇناي ءوندىرىسىن ارتتىرۋعا كەلىستى
