فوتو: اشىق دەرەككوز
كەزدەسۋ قورىتىندىسىندا ەلدەر 2023 جىلعى ساۋىردە جاريالانعان تاۋلىگىنە 1,65 ملن باررەل كولەمىندەگى ەرىكتى قىسقارتۋلار شەڭبەرىندە قوسىمشا 206 مىڭ باررەلگە تۇزەتۋ ەنگىزۋ تۋرالى شەشىم قابىلدادى. بۇل وزگەرىس 2026 جىلدىڭ مامىر ايىنان باستاپ كۇشىنە ەنەدى.
رەسەي مۇنايىنىڭ قازاقستان ارقىلى ءترانزيتى 2027 جىلعا دەيىن جالعاسادى
سونىمەن قاتار, نارىقتاعى جاعدايعا قاراي بۇل كولەم تولىق نەمەسە ءىشىنارا كەزەڭ-كەزەڭىمەن قايتارىلۋى مۇمكىن. ەلدەر مۇناي ءوندىرىسىن رەتتەۋدە يكەمدىلىك ساقتايتىنىن اتاپ ءوتتى.
قاتىسۋشى مەملەكەتتەر نارىقتاعى احۋالدى تۇراقتى باقىلاپ, قاجەت بولعان جاعدايدا ءوندىرىستى ارتتىرۋ, ۋاقىتشا توقتاتۋ نەمەسە قايتا قىسقارتۋ شارالارىن قولدانۋعا دايىن ەكەنىن جەتكىزدى. ونىڭ ىشىندە 2023 جىلعى قاراشادا جاريالانعان تاۋلىگىنە 2,2 ملن باررەل قىسقارتۋ كولەمىن قايتا قاراۋ مۇمكىندىگى دە ساقتالادى.
وپەك+ ەلدەرى ىنتىماقتاستىق دەكلاراتسياسى اياسىنداعى مىندەتتەمەلەردى تولىق ورىنداۋعا نيەتتى ەكەنىن راستادى. سونداي-اق 2024 جىلدىڭ قاڭتارىنان بەرى بەلگىلەنگەن كولەمنەن ارتىق وندىرىلگەن مۇنايدى تولىق وتەۋ مىندەتى اتاپ ءوتىلدى.
بۇل ۇدەرىس بىرلەسكەن مينيسترلىك مونيتورينگ كوميتەتىنىڭ (JMMC) باقىلاۋىندا بولادى.
كەزدەسۋدە حالىقارالىق تەڭىز باعىتتارىنىڭ قاۋىپسىزدىگىن قامتاماسىز ەتۋ ەرەكشە ماڭىزدى ەكەنى ايتىلدى. سەبەبى بۇل ەنەرگيا تاسىمالىنىڭ ۇزدىكسىزدىگىن ساقتاۋدىڭ نەگىزگى شارتى بولىپ سانالادى.
سونىمەن قاتار, قاتىسۋشى ەلدەر ەنەرگەتيكالىق ينفراقۇرىلىمعا جاسالعان شابۋىلدارعا الاڭداۋشىلىق ءبىلدىردى. مۇنداي نىسانداردى قالپىنا كەلتىرۋدىڭ قىمبات ءارى ۇزاق ۋاقىتتى تالاپ ەتەتىنى, بۇل ءوز كەزەگىندە جالپى ۇسىنىس كولەمىنە كەرى اسەر ەتەتىنى اتاپ ءوتىلدى.
«ينفراقۇرىلىمعا قاۋىپ توندىرەتىن نەمەسە تەڭىز جولدارىن بۇعاتتايتىن كەز كەلگەن ارەكەت نارىقتاعى تۇراقسىزدىقتى كۇشەيتىپ, جاھاندىق ەكونوميكانىڭ مۇددەسىنە قايشى كەلەدى», دەلىنگەن مالىمدەمەدە.
وپەك+ ەلدەرى نارىقتاعى جاعدايدى, كەلىسىمدەردىڭ ورىندالۋىن جانە وتەماقى تەتىكتەرىن اي سايىن تالقىلاپ وتىرۋعا ۋاعدالاستى. كەلەسى كەزدەسۋ 2026 جىلعى 3 مامىرعا جوسپارلانعان.
باررەلىنە 120 دوللار: مۇناي باعاسى سوڭعى 4 جىلداعى رەكوردتى جاڭارتتى
