فوتو: اشىق دەرەككوز
بۇعان دەيىن جالدامالى پاتەرلەر وتباسى قۇرامىنا قاراي بولىنەتىن. قولدانىستاعى تالاپقا سايكەس, ءبىر ادامعا كەمىندە 15-18 شارشى مەتر تۇرعىن الاڭى قاراستىرىلۋى ءتيىس بولاتىن.
سوندىقتان جۇيە الدىمەن كەزەگى كەلگەن ازاماتقا ۇسىنىلاتىن باسپانانىڭ اۋدانى تالاپقا ساي كەلە مە, سونى تەكسەرەتىن. ماسەلەن, بەس ادامنان تۇراتىن وتباسىعا كەڭىرەك پاتەر قاجەت.
اقتوبە وبلىسىندا كوپقاباتتى تۇرعىن ءۇي سالىنۋى ءتيىس جەر مەملەكەت مەنشىگىنە ءوتتى
الايدا لايىقتى نۇسقا تابىلماعان جاعدايدا, جۇيە كەزەكتى «اتتاپ ءوتىپ», پاتەردى وتباسىندا ادام سانى از كەلەسى ۇمىتكەرگە ۇسىناتىن. سونىڭ سالدارىنان باسپانا الۋعا قۇقىعى بار ازاماتتار ۇزاق ۋاقىت بويى كەزەكتە قالىپ قوياتىن.
ەندى «وتباسى بانك» بۇل ءتاسىلدى وزگەرتپەك. جاڭا ءتارتىپ بويىنشا, پاتەر تۇرعىن ءۇيدىڭ اۋدانى مەن وتباسى قۇرامىنا قاراماستان كەزەگى كەلگەن ازاماتقا ۇسىنىلادى.
تۇرعىن ءۇي كەزەگىندەگى وزگەرىستەر: 16 مىڭنان استام ادام تىزىمنەن شىعارىلدى
مىسالى, ازاماتقا 75 شارشى مەترلىك پاتەر قاجەت, ال قولدا 65 شارشى مەتر بار بولسا, سول باسپانا ۇسىنىلا بەرەدى.
ودان ارى كەلىسۋ نەمەسە باس تارتۋ شەشىمىن كەزەكتە تۇرعان ازاماتتىڭ ءوزى قابىلدايدى. تەك ول ۇسىنىستان باس تارتقان جاعدايدا عانا پاتەر كەلەسى كەزەكتەگى ادامعا بەرىلەدى.
