فوتو: polisia.kz
بۇل كورسەتكىشكە اۆتوجولداردا بۇزۋشىلىقتاردى تىركەۋدىڭ 500-گە جۋىق كەشەنىنىڭ جۇمىس ىستەۋى مەن جولداردىڭ قاۋىپتى ۋچاسكەلەرىندە ءجۇرىس بولىگىن ۋاقىتشا تارىلتۋ ءتاسىلى اسەر ەتكەن. بۇزۋشىلىقتاردى تىركەيتىن قۇرىلعىنىڭ 100-ءى جاسىرىن رەجيمدە جۇمىس ىستەپ تۇر.
«اتالعان ءادىس بىرقاتار شەت ەلدە ءوزىنىڭ تيىمدىلىگىن كورسەتىپ, بۇگىندە قازاقستاندا ءساتتى قولدانىلۋدا. جولدى تارىلتۋ ءتاسىلى استانا – قاراعاندى, استانا – پاۆلودار, الماتى – بىشكەك, سامارا – شىمكەنت, اقتوبە – استراحان سياقتى جانە باسقا باعىتتاردى قوسا العاندا رەسپۋبليكالىق تراسسالاردىڭ 26 ۋچاسكەسىندە جۇزەگە اسىرىلىپ جاتىر», دەلىنگەن مينيسترلىك حابارلاماسىندا.
قوزعالىس قارقىندى ۋچاسكەلەردە ورتاشا جىلدامدىقتى باقىلاۋ ەنگىزىلگەن. قازىرگى ۋاقىتتا 1900 شاقىرىم قامتىلسا, جاقىن ارادا تاعى مىڭ شاقىرىم قوسىلادى.
ءىىم جول ءجۇرىسى قاعيدالارىن قاساقانا بۇزۋشىلارمەن بەلسەندى كۇرەس جۇرگىزىلىپ جاتقانىن اتاپ ءوتتى. ول ءۇشىن «قورعاۋ» ارنايى اقپاراتتىق جۇيەسى قولدانىلادى. سونىمەن قاتار قالا ىشىندە جانە تراسسالاردا تاۋلىك بويى جول قوزعالىسى ەرەجەلەرىن بۇزۋدى تىركەيتىن اۆتوماتتى كامەرالار جەلىسى بەلسەندى دامىپ كەلەدى.
