جۇرەك تولقىتار ءسات

بۇل تەستىلەۋدىڭ ماڭىزدىلىعى تەستىلەنۋ­شىلەردىڭ وسى سىناقتان العان ناتيجەسىمەن مەملەكەتتىك گرانت كونكۋرسىنا قاتىساتىنىندا بولىپ تۇر.

جۇرەك تولقىتار ءسات, دەگەنمەن مۇنداي نەگىزگى ۇبت-نى ەكى رەت تاپسىرۋعا مۇمكىندىك بەرىلگەن. تالاپكەرلەر ەكى تەستىلەۋدىڭ ىشىندەگى جاقسى ناتيجەسىمەن گرانت كونكۋرسىنا قاتىسا الادى. ەكى مۇمكىندىكتى ەسەپكە العاندا 216 مىڭعا جۋىق تالاپكەردەن نەگىزگى تەستىلەۋدى تاپسىرۋعا 399 مىڭعا جۋىق ءوتىنىش تۇسكەن. ۇمىتكەرلەردىڭ 75%-ى قازاق تىلىندە, 25%-عا جۋىعى ورىس تىلىندە, 266 ادام اعىلشىن تىلىندە تەستىلەۋدەن ءوتۋدى تاڭدادى.

كەشە باستالعان نەگىزگى ۇبت-نىڭ العاشقى كۇنى عىلىم جانە جو­عارى ءبىلىم مينيس­تر-­
لى­گىنە قاراس­تى كو­مي­تەتتىڭ ءتور­ايىمى گۇلزات كو­بە­نوۆا استا­نا قالاسىنداعى  تەستى­­لەۋ ورتا­لىقتارىنىڭ بىرىنە با­رىپ, تالاپ­كەرلەرگە ساتتىلىك تىلەپ, تا­لاپ­كەرلەردىڭ تاڭداۋىنا توقتالدى.

ء«وتىنىش بەرۋ كەزىندە ۇمىتكەر­لەر تەستىلەۋ كۇنىن, ۋاقىتىن جانە ورنىن وزدەرى تاڭدادى. ۇبت-نىڭ ءبىرىنشى كۇنى ەلىمىز بويىنشا 4 589 ادام, ونىڭ ىشىندە ەلوردادا 323 تالاپكەر تەستىلەۋدەن وتەدى. جالپى, ۇبت 46 تەستىلەۋ پۋنكتىندە ۇيىمداستىرىلعان. بىرنەشە جىل قاتارىنان ەڭ كوپ تاڭدالعان بەيىندى پاندەر كومبيناتسياسى «ماتەماتيكا-فيزيكا» بولىپ وتىر – ونى تۇلەكتەردىڭ 16,5%-ى تاڭدادى. بۇل تالاپكەرلەردىڭ ينجەنەر, مۇ­عالىم, ەنەرگەتيك, قۇرى­لىسشى جانە باسقا دا تەح­ني­كالىق ماماندىقتارعا دەگەن ۇمتىلىسىن كورسەتەدى. تانى­مال­دىعى بويىنشا كەلەسى كومبيناتسيالار: بولاشاق مەديتسينا قىزمەتكەرلەرىنە باعىتتال­عان «بيو­لوگيا-حيميا» (15,6%) جانە IT سالاسىنا قىزىعۋشىلىق تانىت­قان تالاپكەرلەردى تار­تا­­تىن «ماتەماتيكا-ينفور­ما­تيكا» (9,7%)», دەدى گ.كوبەنوۆا.

ۇلتتىق تەستىلەۋ ورتالىعىنان بىلگەنىمىزدەي, ۇبت-عا قاتىساتىن ءار ادام جەكە جاسالعان تەست نۇس­قاسىن الادى. ەمتيحان كەزىندە تەستىلەۋ باعدارلاماسىندا كالكۋلياتور, حيميالىق ەلەمەنتتەردىڭ پەريودتىق جۇيەسى جانە تۇزدار­دىڭ ەرىگىشتىك كەستەسى بولادى. سونى­مەن قاتار تالاپكەرلەرگە ىڭعايلى بولۋ ءۇشىن كەستەلەردىڭ قاعاز نۇسقالارى دا بەرىلەدى. تەستىلەۋگە كىرەبەرىستە تىيىم سالىنعان زاتتاردى, مىسالى, تەلەفونداردى, شپارگالكالاردى الىپ كىرۋگە جول بەرمەۋ ءۇشىن ­قول جانە رامالىق مەتالل ىزدە­گىش­تەر قولدانىلادى. تەستى­لەۋ اۋدي­توريالارىندا ءموبيلدى جانە راديوەلەكتروندى بايلانىس ­سيگنالدارىن باساتىن قۇ­رىلعىلار پايدالانىلادى, بەي­نە­باقىلاۋ جۇرگىزىلەدى.

مازمۇنى بويىنشا اپەلليا­تسياعا ءوتىنىشتى تەستىلەۋ اياقتال­عاننان كەيىن 30 مينۋت ىشىندە بەرۋگە, ال تەحنيكالىق اپەل­ليا­تسيا بويىنشا ءوتىنىشتى تەستى­لەۋ بارىسىندا بەرۋگە بولادى. سەر­تيفيكات اپەللياتسيا قارال­­عاننان كەيىن تەستىلەنۋشىنىڭ جەكە كابي­نە­تىندە تۇرادى. تالاپ­كەردىڭ جەكە كابينەتىندە رەسپۋب­ليكا­لىق اپەللياتسيالىق كوميس­سيا وتى­رىسىنىڭ مەرزىمى كورسە­تىلەدى. كوميسسيا وتىرىسى باس­تال­عان­عا دەيىن اپەللياتسيا ءوتى­نىشىن جەكە كابينەتىندە قايتارىپ الۋ مۇم­كىندىگى بار. اپەللياتسيا ءوتىنىشىن قايتارىپ العان سوڭ, تالاپ­كەر سەرتيفيكاتتى جەكە كابي­نەتىنەن ءبىر جۇمىس كۇنى ىشىندە الا الادى.

شەكتى بالدار وزگەرىسسىز قالدى: «قۇقىق» جانە «پەداگوگيكا­لىق عىلىمدار» باعىتتارىنا ءتۇسۋ ءۇشىن كەمىندە 75 بالل, «دەن­ساۋ­لىق ساقتاۋ جانە الەۋمەت­تىك قامتا­ما­سىز ەتۋ (مەديتسي­نا)» ءۇشىن كەمىن­دە 70 بالل جيناۋ قا­جەت, ۇلتتىق جوعارى وقۋ ورنى­­نا ءتۇسۋ ءۇشىن كەمىندە 65 بالل, باس­قا ۋنيۆەرسيتەتتەرگە ءتۇسۋ ءۇشىن كەمىندە 50 بالل جيناۋ قاجەت.

2025 جىلعى ۇبت اياقتالعان­نان كەيىن وسى جىلدىڭ 31 قازانى­نا دەيىن بەينەجازبالارعا تالداۋ جۇرگىزىلەدى. تىيىم سالىن­عان زاتتاردى پايدالانۋ نەمەسە باسقا دا ەرەجەلەردى بۇزۋ فاكتىلەرى انىقتالعان جاعدايدا تالاپكەردىڭ ناتيجەلەرى جويىلادى.