فوتولار: استانا قالاسى اكىمدىگى
اتالعان دودادا جالپى كوماندالىق ەسەپ بويىنشا قازاقستان قۇراماسى ۇزدىك اتاندى, ال ەلوردالىق كاراتەشىلەر 1 التىن, 1 كۇمىس, 3 قولا, بارلىعى 5 مەدال جەڭىپ الدى.
ناقتى اتاعاندا, راتبەك باتىرحان (16-17 جاس, 65 كەلىگە دەيىن) التىن مەدال جەڭىپ السا, اميرا اققازينوۆا (14-15 جاس, 50 كگ دەيىن) كۇمىس جۇلدەگە قول جەتكىزدى. ال, مۇحاممەدالي قويشىباي (16-17 جاس, 60 كەلىگە دەيىن), ۇلجان راقىشەۆا (18-21 جاس, 65 كەلىدەن جوعارى), ايبەك امانوۆ (18-21 جاس, 80 كەلىگە دەيىن) قولا جۇلدەگەر اتاندى.
قالا اكىمدىگىنىڭ رەسمي سايتىنىڭ مالىمەتىنشە ەل نامىسىن الەمدىك دەڭگەيدە ابىرويمەن قورعاعان ەلوردالىق جاس سپورتشىلاردى اۋەجايدا تۋعان-تۋىستارى, دوستارى, جاتتىقتىرۋشىلارى جانە جانكۇيەرلەرى قوشەمەتپەن قارسى الىپ, قۇرمەت كورسەتتى.
