وزات وقۋشىلار ولجالى ورالدى

وقۋ-اعارتۋ مينيستر­لىگى تا­راتقان اقپاراتقا سۇ­يەنسەك, ءبىزدىڭ بالالار اتال­عان بەدەلدى ءبىلىم باي­گەسىندە التى بىردەي ماراپات جەڭىپ الىپ, الەمنىڭ ۇزدىك ينجەنەرلەرىنىڭ قاتارىنان كورىندى. ەل نا­مىسىن جەتى كوماندا قور­عادى. جوعارى ساناتتا (12–18 جاس) الماتى قالاسىنداعى نازارباەۆ زياتكەرلىك مەكتەبىنىڭ «PID» كومانداسى ەلىمىز تاريحىندا تۇڭعىش رەت جارىستىڭ فينالىنا ءوتىپ, «Motivate Award Winner» جانە «Division Finalist Award» دەپ اتالاتىن ەكى ماراپاتتى يە­لەندى. الماتىداعى نازارباەۆ زياتكەرلىك مەك­­تەبىنىڭ «Cristabol» كومانداسى تەحنيكالىق جانە تەحنيكالىق ەمەس داعدىلاردىڭ ۇزدىك ۇيلە­سىمى ءۇشىن بەرىلەتىن ەڭ بە­دەلدى ماراپات – «INSPIRE Award»-تى جەڭىپ الدى. «Sana team» (الماتىداعى ءبىلىم-ين­نو­ۆاتسيا ليتسەيى) جانە «Jeltoqsun» (قاراعاندى قالاسىنداعى «مۇراگەر» مەكتەبى) كوماندالارى رو­بوتتار ويىنى بويىن­شا 258 كوماندانىڭ ىشىنەن توپ-20 قاتارىنا ەندى. ورتا ساناتتا (10–16 جاس) – «First Lego League Challenge» تۋرنيرىندە اس­تانا قالاسىنداعى «Skillset» مەكتەبىنىڭ «Skillset» كومانداسى «Champions Award» اتالىمى بويىن­شا فيناليست اتاندى. قارا­عاندىداعى «مۇراگەر» مەكتەبىنىڭ «Rasslexx» كومانداسى «Coopertition «Award Winner» ماراپاتىن جەڭىپ الدى. كىشى ساناتتا (6–10 جاس) – «First Lego League Explore» بويىنشا پاۆ­لودار قا­لاسىنداعى «ساتۋرن» مەك­تە­بىنىڭ «Atlantis» كومانداسى «Team Model Award» ماراپاتىنا يە بولدى.