پاۆلودار وبلىستىق ادىلەت دەپارتامەنتىنىڭ مەملەكەتتىك سوت ورىنداۋشىسى جانىبەك تۇسىپبەكوۆ مەملەكەت پايداسىنا 70 ميلليون تەڭگەدەن استام سومانى ءوندىرۋ تۋرالى اتقارۋ قۇجاتىنىڭ تالاپتارىن ورىنداماعان بورىشكەردىڭ قولعا تۇسكەنىن حابارلادى. وعان قاتىستى قر اكىمشىلىك قۇقىق بۇزۋشىلىق تۋرالى كودەكستىڭ 669-بابى بويىنشا حاتتاما تولتىرىپ, قاراستىرۋ ءۇشىن سوتقا جولداندى.
-مەملەكەتكە 70 ميلليون تەڭگە قارىز بولعان ادام 2 جىل بويى ىزدەۋدە جۇرگەن. ەكونوميكالىق تەرگەپ-تەكسەرۋ دەپارتامەنتىمەن ءوزارا ءىس-قيمىل جانە بىرلەسكەن كۇش-قيمىلدىڭ ارقاسىندا ىزدەۋدە جۇرگەن ازامات ۇستالدى. سوت قاۋلىسىمەن بورىشكەر ءبىر تاۋلىككە قاماۋ تۇرىندەگى اكىمشىلىك جازاعا تارتىلدى,-دەپ مالىمدەدى وڭىرلىك ادىلەت دەپارتامەنتىنىڭ ءباسپاسوز قىزمەتىنەن.
پاۆلودار وبلىسى
