ەشكىمدى الالاماي بارلىعىنا ءبىر ەل دەپ قاراپ, بارشا ۇلتتى تەڭ ساناپ, ءبىر حالىققا بالاعان, ەلىمىزدە نەشە ءتۇرلى جاعدايلار بولىپ جاتسا دا ءبىر تاعدىرعا بايلانعان ەل رەتىند تاتۋ ءتاتتى ءومىر ءسۇرىپ كەلە جاتىرمىز. ءبىر كورشىمىزدە توڭكەرىس بولىپ, ەندى ءبىر كورشىمىز سان ءتۇرلى دۇربەلەڭدى باستان وتكەرىپ, جاتسا دا ەلىمىزدە تاتۋلىق پەن تۇراقتىلىق تۋى جىعىلعان ەمەس. مۇنىڭ بارلىعى ارينە ەلىمىزدىڭ دامۋىنا, ۇلتتار دوستاستىعىنىڭ ساقتالۋىنا ىقپال ەتىپ كەلە جاتقان تۇلعالاردىڭ ارقاسى ەكەنى داۋسىز.
سولاردىڭ ءبىرى - ۇلت جاناشىرى, كاسىپكەر دينارا بەردىمۇرات. سوڭعى جىلدارى ءار سالاداعى ىسكەر, ەل جاناشىرىنا اينالعان ازاماتتاردى ماراپاتتاپ, ءتۇرلى نوميناتسيالار تاعايىنداپ, ەلگە قىزمەت ەتۋگە ىنتالاندىرىپ, «باتىر شاپاعاتى», «التىن جۇرەك», «ەل جاناشىرى» نوميناتسيالارىن وتكىزىپ جۇرگەن باتىر قىز جاقىندا ءتىپتى «300 قايراتكەر» كىتابىن دا شىعارىپ ۇلگەردى. اتالمىش كىتاپتا ەلىمىز تاۋەلسىزدىك العان جىلداردان باستاپ ەلىمىزدىڭ ءتۇرلى سالاسىندا قىزمەت ەتىپ جۇرگەن مىقتى تۇلعالار جيناقتالعان. «ەڭبەك ەرى» دە, قىرىق جىلدىق ەڭبەك ءوتىلى بار ۇستاز دا, مىڭداعان ادامدى اجال تىرناعىنان اراشالاعان دارىگەر دە, ءتىپتى الەۋمەتتىك جەلىدە حالىق نازارىن اۋدارعان ەرەكشە ماماندىق يەلەرى مەن سپورتشى دا بار.
قانشا جەردەن اركىم ءوزى ءۇشىن ماماندىق تاڭداپ, ءوزى ءۇشىن ەڭبەك ەتەدى دەسەك تە, ءوزىن ەل دامۋى جولىندا ارناپ, ەڭبەگىن ادال اتقارىپ جۇرگەن جانداردى ماراپاتتاۋ ولاردى باسقالارعا ۇلگى ەتىپ قانا قويماي, موتيۆاتسيا دا بەرەرى انىق! سوندىقتان قازىرگى تاڭدا «باتىر شاپاعاتى», «التىن جۇرەك», «ەل جاناشىرى» سىندى ماراپاتتاۋ كەشتەرىنە ءدان ريزا ماماندىق يەلەرى جەتەرلىك. ولار ودان ارى ەڭبەك ەتىپ, ءتىپتى بىرىگىپ قايىرىمدىلىق شارالارىن ۇيىمداستىرىپ, حالىققا قول ءۇشىن سوزۋدى دا جولعا قويىپ كەلەدى. سونىڭ ايعاعى ەل ىشىندەگى تالاي يگىلىكتى شارادا دينارا حانىم ماراپاتتاعان تۇلعالاردىڭ قولتاڭباسى بار. مۇنىڭ بارلىعى اينالىپ كەلگەندە دينارا بەردىمۇرات حانىمنىڭ ۇيىتقى بولۋىمەن جۇزەگە اسىپ وتىر.
وسى ورايدا قاي ۇلت وكىلى ەكەنىن قاراماستان, بارشا تۇلعالاردى ارەكەتىنە ساي ەلەپ ەسكەرىپ كەلە جاتقان, ماراپاتتاپ, مەملەكەت دامۋى جولىندا ادال ەڭبەك ەتىپ كەلە جاتقان ازاماتتاردى ىنتالاندىرىپ وتىرعان دينارا بەردىمۇراتتىڭ «قازاقستان حالقى اسسامبلەياسىنا 30 جىل» مەرەكەلىك مەدالىمەن ناگرادتالۋى ورىندى اق! مەملەكەت باسشىسى قاسىم-جومارت توقاەۆتىڭ ءوزى توراعاسى بولىپ وتىرعان قازاقستان حالقى اسسامبلەياسىنىڭ مەرەكەلىك مەدالى پرەزيدەنتتىڭ باستاماسىمەن ەل ىشىندەگى تاتۋلىقتى, بىرلىكتى ناسيحاتتاۋعا ىقپال ەتىپ وتىرعان جاندارعا بۇيىرىپ وتىر. سوندىقتان وسىناۋ قۇرمەتكە لايىق جانداردىڭ ماراپاتى قۇتتى بولسىن! تاۋەلسىز قازاقستاننىڭ دامۋى مەن گۇلدەنۋى, دامىعان ەلدەردىڭ قاتارىنا قوسىلۋى جولىندا باسقالارعا ۇلگى بولا بەرىڭىزدەر!
