فوتو: x.com/SpaceX
كەننەدي عارىش ورتالىعىنىڭ 39ا ۇشىرۋ كەشەنىنەن اقش-تىڭ جەرگىلىكتى شىعىس ۋاقىتى بويىنشا 21:46-دا (استانا ۋاقىتى بويىنشا 6:46) كوتەرىلە وتىرىپ, كەمەنىڭ ساپارى 3-5 كۇنگە سوزىلماق. بۇل ۇشۋ 425-450 كم بيىكتىكتە وتەدى.
ايتا كەتەيىك, بۇل ميسسيا ەرەكشە, سەبەبى ەكيپاج تەك ازاماتتىق تۇرعىنداردان تۇرادى. ونىڭ قۇرامىندا قىتايلىق كريپتوۆاليۋتا كاسىپكەرى چۋن ۆانگ, گەرمانيادان كەلگەن اركتيكالىق روبوتوتەحنيكا ينجەنەرى رابەا پاتريسيا روگگە, اۆستراليالىق پوليارلىق زەرتتەۋشى ەريك فيليپس جانە نورۆەگيالىق رەجيسسەر ياننيكە ميككەلسەن بار.
ميسسيانىڭ نەگىزگى ماقساتى – پوليارلىق مۇز قاباتتارى مەن شالعاي اۋدانداردىڭ كليماتتىق ەرەكشەلىكتەرىن زەرتتەۋ. Fram2 ميسسياسى كليماتتىڭ وزگەرۋى مەن جەردىڭ ەڭ ەكسترەمالدى اۋداندارىن زەرتتەۋگە ۇلەس قوسىپ, عارىش ۇشۋىنىڭ ادام دەنەسىنە اسەرىن زەرتتەۋگە مۇمكىندىك بەرەدى. سونىمەن قاتار, ەكيپاج مۇشەلەرى 22 عىلىمي زەرتتەۋ مەن ەكسپەريمەنتتى جۇزەگە اسىرادى.
