فوتو: وقۋ-اعارتۋ مينيسترلىگى
مۇنداي باستامالار قالا مەن اۋىل مەكتەپتەرى اراسىنداعى ءبىلىم بەرۋ ساپاسىنداعى الشاقتىقتى ازايتۋعا باعىتتالعان. ماسەلەن, كەيىنگى 3 جىلدا ەلىمىزدەگى 4 مىڭنان استام مەكتەپتىڭ ماتەريالدىق-تەحنيكالىق بازاسى جاڭارتىلعان. 2 مىڭنان استام ءبىلىم بەرۋ ۇيىمىندا روبوتوتەحنيكا, حيميا, بيولوگيا, فيزيكا جانە STEم بويىنشا زاماناۋي پاندىك كابينەتتەر اشىلعان. 2024 جىلى 967 مەكتەپتە 1621 پاندىك كابينەت جابدىقتالعان. مينيسترلىك 2029 جىلعا قاراي ەلىمىزدىڭ مەكتەپتەرىندە كەمىندە 7000 زاماناۋي پاندىك كابينەت اشۋ جوسپارلانعانىن جەتكىزدى.
ء«بىلىم بەرۋ ساپاسىن ارتتىرۋدىڭ تاعى ءبىر ماڭىزدى فاكتورى - تسيفرلىق تەحنولوگيالاردى ەنگىزۋ بولىپ تابىلادى. ۇلتتىق باستامالار اياسىندا مەكتەپ وقۋلىقتارىنىڭ 100%-ى تسيفرلىق فورماتقا كوشىرىلدى, ال مەكتەپتەردىڭ 95,2%-دا جوعارى جىلدامدىقتى ينتەرنەتكە قولجەتىمدىلىك ايتارلىقتاي جاقساردى. ءبىلىم بەرۋ پلاتفورمالارى ەنگىزىلۋدە, جاساندى ينتەللەكت ەلەمەنتتەرى وقۋ پروتسەسىنە ينتەگراتسيالانۋدا. وسى شارالاردىڭ بارلىعى وقۋشىلاردى بولاشاقتىڭ سىن-قاتەرلەرىنە دايىنداۋعا جانە ولاردىڭ بويىندا ەرتە جاستان تسيفرلىق داعدىلاردى قالىپتاستىرۋعا باعىتتالعان», دەلىنگەن وقۋ-اعارتۋ مينيسترلىگىنىڭ حابارلاماسىندا.
سونداي-اق, ۆەدوموستۆو پەداگوگ كادرلاردىڭ الەۋمەتتىك جاعدايى مەن كاسىبي داعدىسىن دامىتۋعا ايرىقشا ءمان بەرىلىپ وتىرعانىن دا تىلگە تيەك ەتكەن. 2020 جىلدان باستاپ پەداگوگتەردىڭ جالاقىسى 2 ەسەگە ارتىپ, ال بىلىكتىلىك ساناتتارى بار مۇعالىمدەرگە ول ءۇشىن لاۋازىمدىق جالاقىسىنىڭ 35%-دان 50%-عا دەيىن ۇستەمەاقى تولەنىپ وتىر. بۇگىندە ورتا ءبىلىم بەرۋ جۇيەسىندە جۇمىس ىستەيتىن 400 مىڭ پەداگوگتىڭ 300 مىڭعا جۋىعىنا وسىنداي ۇستەمەاقىلار تولەنەدى.
«اۋىل مۇعالىمدەرىن قولداۋعا ەرەكشە نازار اۋدارىلىپ, ولاردىڭ جالاقىسى قالالارداعى ارىپتەستەرىمەن سالىستىرعاندا كەم دەگەندە 25%-عا جوعارى. بۇل وڭىرلەرگە بىلىكتى كادرلاردى تارتۋعا ىقپال ەتەدى. 2023 جىلدىڭ قىركۇيەگىنەن باستاپ پرەزيدەنتتىڭ تاپسىرماسى بويىنشا بارلىق باستاۋىش سىنىپ جانە الەۋمەتتىك وسال توپتار ساناتىنداعى وقۋشىلاردى تەگىن ىستىق تاماقپەن قامتىلىپ جاتىر. 1,7 ميلليون وقۋشىنى قامتاماسىز ەتۋگە جەرگىلىكتى بيۋدجەتتەردەن 192 ملرد تەڭگەدەن استام قاراجات ءبولىندى. سونداي-اق تاماقتانۋ ساپاسىن ارتتىرۋ ماقساتىندا اسحانا قىزمەتكەرلەرىنە قويىلاتىن تالاپتار كۇشەيتىلدى, تەگىن تاماق الۋشىلاردىڭ ەسەبى اۆتوماتتاندىرىلدى, كۇندەلىكتى باقىلاۋ ەنگىزىلدى», دەپ حابارلادى مينيسترلىك.
سونىمەن قاتار «جالپىعا بىردەي ءبىلىم بەرۋ» قورى اياسىندا الەۋمەتتىك وسال ساناتتاعى 510 مىڭنان استام وقۋشى مەكتەپ قۇرالدارىمەن قامتاماسىز ەتىلگەن. كەلەر وقۋ جىلىنان باستاپ جەكەمەنشىك مەكتەپتەردىڭ وقۋشىلارى ءۇشىن دە الەۋمەتتىك قولداۋ شارالارىن ەنگىزۋ جوسپارلانعان.
