بۇل تۋرالى اقوردانىڭ ءباسپاسوز قىزمەتى حابارلادى.
«قازاقستان پرەزيدەنتى زيمبابۆە وكىلىنىڭ سپورتتاعى ايتۋلى جەتىستىكتەرىن جانە مەملەكەتتىك قىزمەتتەگى باي تاجىريبەسىن اتاپ ءوتىپ, ونىڭ حالىقارالىق وليمپيادا قوزعالىسىن دامىتۋداعى قىزمەتىنە ساتتىلىك تىلەدى», - دەلىنگەن حابارلامادا.
ايتا كەتسەك, كيرستي كوۆەنتري 2013 جىلى سايلانعان جانە 2021 جىلى قايتا سايلانعان توماس باحتىڭ ورنىنا كەلدى. توماس باح 49 داۋىس السا, كيرستي كوۆەنتري 97 داۋىسپەن كوپشىلىك قولداۋىنا يە بولدى.
جاڭا سايلانعان پرەزيدەنت 2025 جىلدىڭ 23 ماۋسىمىندا توماس باح وكىلەتتىگىن تاپسىرعان سوڭ قىزمەتىنە كىرىسەدى. سول كەزگە دەيىن قىزمەتىن اتقارا بەرەتىن باح وكىلەتتىگىن وتكىزىپ بەرگەننەن كەيىن حوك مۇشەسى رەتىندەگى قىزمەتىنەن دە كەتىپ, قۇرمەتتى پرەزيدەنت اتانادى.
كيرستي كوۆەنتري - الەمدىك ءجۇزۋ سپورتىنىڭ اڭىزى, جەتى بىردەي وليمپيادا مەدالىنىڭ يەگەرى. ول ءوز ەلىنىڭ اتىن شىعارىپ قانا قويماي, سپورتتى ساياسي مانسابىنىڭ ءبىر بولىگىنە اينالدىرا ءبىلدى. ول زيمبابۆە سپورت مينيسترلىگىن باسقاردى, حوك-دا جۇمىس ىستەدى جانە قازىر حالىقارالىق ۇيىمدى باسقاراتىن العاشقى ايەل اتاندى.
