فوتو: قورعانىس مينيسترلىگىنىڭ ءباسپاسوز قىزمەتى
كەزدەسۋ بارىسىندا قورعانىس ۆەدومستۆوسىنىڭ باسشىسى جاستار اسكەرگە شاقىرىلعاننان باستاپ زاپاسقا شىعارىلعانعا دەيىنگى قىزمەتتىڭ بارلىق كەزەڭىندە قولداۋ كورسەتىپ كەلە جاتقان ۇيىممەن بىرلەسىپ جۇمىس ىستەۋدىڭ ماڭىزدىلىعىن اتاپ ءوتتى.
ء«بىز كوميتەتتىڭ وكىلەتتىگىن كەڭەيتۋگە دايىنبىز, سونداي-اق ۇيىم وكىلدەرىن شاقىرۋ ناۋقانىنا بەلسەندى قاتىسقانىن قالايمىز. سىزدەر ءۇشىن اسكەري بولىمدەردىڭ عانا ەمەس, اسكەرگە شاقىرىلۋشىلار مەن ولاردىڭ اتا-انالارىن حاباردار ەتۋ ءۇشىن بارلىق اسكەرگە شاقىرۋ پۋنكتەرىنىڭ ەسىگى اشىق بولادى», دەدى رۋسلان جاقسىلىقوۆ.
ليليا حايرۋللينا ءوز كەزەگىندە اسكەرگە شاقىرۋ پروتسەسىن جانە اسكەري قىزمەتشىلەرمەن ءوزارا ءىس-قيمىلدى جاقسارتۋعا باعىتتالعان بىرقاتار ۇسىنىستارىن جەتكىزدى. سونىمەن قاتار ارميا مەن قوعام اراسىنداعى سەنىمدى قالىپتاستىرۋدىڭ ماڭىزدىلىعىن دا اتاپ ءوتتى.
«قارۋلى كۇشتەرمەن, باسقا دا اسكەرلەرمەن جانە اسكەري قۇرالىمدارمەن اراداعى ءوزارا ءىس-قيمىلىمىزدىڭ ماقساتى – اسكەردى قوعامعا بارىنشا اشىق ەتۋ, اتا-انالاردىڭ سەنىمىن قالىپتاستىرۋ جانە مەرزىمدى قىزمەتتەگى اسكەري قىزمەتشىلەردىڭ تۋىنداعان كۇردەلى ماسەلەلەرىن شەشۋگە كومەكتەسۋ», دەدى ول.
ەلىمىزدىڭ بارلىق وڭىرىندە تىركەلگەن «انالار جۇرەگى» ۇيىمى بەلسەندى جۇمىس ىستەپ كەلەدى. ۇيىم ساربازدارعا قولداۋ كورسەتىپ, ولاردىڭ قىزمەت ەتۋ جاعدايىن تەكسەرىپ, الەۋمەتتىك كەپىلدىكتەرىن قامتاماسىز ەتەدى.
