سپورت جونىندەگى زاڭناما جەتىلدىرىلەدى

وتىرىس بارىسىندا زاڭنىڭ نەگىزگى مازمۇنى تالقىلاندى. وندا ۇلتتىق قۇرامالاردىڭ جەتىستىكتەرى نەگىزىندە سپورتتىڭ باسىم تۇرلەرىن انىقتاۋ, سپورت فەدەراتسيالارىنىڭ مارتە­بە­سىن وزگەرتۋ, جوعارى جەتىستىككە جەت­كەن سپورتتى قارجىلاندىرۋ, سون­داي-اق سپورت ۇيىمدارىنىڭ قىزمە­تىن رەتتەۋدى كۇشەيتۋگە ءمان بەرىلدى. فەدەراتسيالاردى تىركەۋ, مەملەكەتتىك دەنەشىنىقتىرۋ-سپورت ۇيىمدارى­نىڭ باسشىلارىن روتاتسيالاۋ جۇيەسىن ەنگىزۋ ماسەلەلەرىنە ەرەكشە نازار اۋدارىلدى.

دەپۋتاتتار بيۋدجەتتەن قارجى ءبولۋدى وڭتايلاندىرۋ زاڭنىڭ ماڭىزدى بولىگى ەكەنىن اتاپ ءوتتى. اتاپ ايتقاندا, قازاقستان ازاماتتارى ەمەس سپورتشىلاردى مەملەكەت قارجىسى ەسەبىنەن قارجى­لاندىرۋعا تىيىم سالۋ, سونداي-اق قارجىنى بالالار مەن جاسوسپىرىمدەر سپورتىنىڭ پايداسىنا قايتا ءبولۋ كوزدەلىپ وتىر.

زاڭعا سونىمەن قاتار تۋريزم جانە سپورت مينيسترلىگىنىڭ قۇزىرەتىن, سونداي-اق سپورت مەديتسيناسى مەن وڭالتۋدى دامى­تۋعا باعىتتالعان ەرەجەلەردى ناقتى­لاۋ جونىندەگى تۇزەتۋلەر دە ەنگىزىلگەن.

وتىرىس سوڭىندا دەنەشىنىقتىرۋ مەن سپورتتى دامىتۋدىڭ كەشەندى ءتاسىلى وڭىرلەردەگى ەكونوميكالىق جاعدايدى جاقسارتۋعا, جاڭا جۇمىس ورىندارىن اشۋعا, سونداي-اق قازاقستاننىڭ حالىقارالىق سپورت ارەناسىنداعى ورنىن نىعايتۋعا مۇمكىندىك بەرەتىنى اتاپ ءوتىلدى.