فوتو: azattyq.org
67 جاستاعى زەينەتكەر پوليتسياعا ارىزدانعان. ول ءوز اتىنا شامامەن 1,5 ملن تەڭگە كولەمىندە نەسيە راسىمدەلگەنىن بىلمەي قالعان. اتالعان فاكتى بويىنشا قىلمىستىق ءىس قوزعالدى.
جۇرگىزىلگەن جەدەل-تەرگەۋ شارالارى ناتيجەسىندە ءتارتىپ ساقشىلارى 36 جاستاعى بۇرىنعى بانك مەنەدجەرىن انىقتادى. تەرگەۋ مالىمەتىنە سايكەس, جابىرلەنۋشى بۇعان دەيىن نەسيە راسىمدەۋ ءۇشىن بانككە جۇگىنىپ, بارلىق قاجەتتى قۇجاتتاردى تاپسىرعان. وسى دەرەكتەردى پايدالانعان كۇدىكتى ونىڭ اتىنا نەسيە راسىمدەپ, الايدا ايەلگە بانك نەسيە بەرۋدەن باس تارتقانىن ايتقان. ال ماقۇلدانعان قاراجاتتى ءوز شوتتارىنا اۋدارعان.
قوستانايدا مەكتەپ مۇعالىمى ارىپتەستەرىنىڭ اتىنا نەسيە راسىمدەگەن
قاراعاندى وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى قۋانىش ورىنبەتوۆتىڭ ايتۋىنشا, بۇل ىسكە قاتىستى بارلىق جابىرلەنۋشىلەر – زەينەتكەرلەر. قازىرگى تاڭدا پوليتسياعا وسى كۇدىكتىنىڭ ارەكەتىنە قاتىستى تاعى 6 ارىز تۇسكەن. قۇقىق قورعاۋ ورگاندارى قىلمىستىق ءىستىڭ بارلىق ءمان-جايىن انىقتاۋ ءۇشىن تەرگەۋدى جالعاستىرىپ جاتىر. جالپى شىعىن كولەمى ءالى ناقتىلانادى.
«جۇمىسقا ورنالاسۋعا كومەكتەسەمىن»: جەتىسۋ وبلىسىنىڭ تۇرعىنى تانىسىنىڭ اتىنا نەسيە راسىمدەگەن
بۇل وقيعا قارجى ۇيىمدارى قىزمەتكەرلەرىنىڭ جاۋاپكەرشىلىگى مەن ازاماتتاردىڭ جەكە دەرەكتەرىن قورعاۋ ماسەلەسىنىڭ وزەكتىلىگىن تاعى ءبىر مارتە كورسەتتى. ماماندار ازاماتتارعا قۇجاتتارىن بوگدە ادامدارعا سەنىپ تاپسىرماۋعا جانە قارجىلىق وپەراتسيالار كەزىندە بارىنشا ساق بولۋعا كەڭەس بەرەدى.
