فوتو: Depositphotos.com
فەستيۆال اۆتورلاردى, digital-كرەاتورلاردى, ساراپشىلاردى, ينۆەستورلاردى جانە تەحنولوگيالىق كومپانيا وكىلدەرىن ءبىر الاڭعا جينايدى. نەگىزگى ماقسات – كينو مەن جاساندى ينتەللەكت توعىسىنداعى جوبالاردى دامىتۋ جانە جاڭا فورماتتاردى قولداۋ.
ءىس-شارانىڭ باستى ەرەكشەلىگى – جۇلدە قورى 1 ملن دوللار بولاتىن قىسقامەتراجدى فيلمدەردىڭ حالىقارالىق بايقاۋى. بۇل بايقاۋ الەمنىڭ تۇكپىر-تۇكپىرىنەن قاتىسۋشىلاردى تارتۋعا مۇمكىندىك بەرەدى. ۇيىمداستىرۋشىلاردىڭ ايتۋىنشا, فەستيۆال جاھاندىق دەڭگەيدەگى شىعارماشىلىق باسەكەگە جول اشادى.
الماتى وبلىسىندا الەمدىك دەڭگەيدەگى كينوپاۆيلون سالىنىپ جاتىر
باعدارلاما اياسىندا بىرقاتار ماڭىزدى ءىس-شارالار جوسپارلانعان:
- AI-كونتەنتكە ارنالعان حالىقارالىق كونفەرەنتسيا;
- اۆتورلار مەن پروديۋسەرلەرگە ارنالعان پيتچ-سەسسيالار;
- فيلم كورسەتىلىمدەرى مەن ساراپتامالىق پىكىرتالاستار.
فەستيۆالدىڭ تاعى ءبىر ەرەكشەلىگى – كونتەنت جاساۋدىڭ بارلىق كەزەڭدەرىن قامتيدى جانە يدەيادان باستاپ دايىن ونىمگە دەيىنگى پروتسەستى تولىق كورسەتەدى. اسىرەسە, گيبريدتى فورماتتاعى جوبالارعا ەرەكشە نازار اۋدارىلادى, ياعني ءداستۇرلى كينو مەن جاساندى ينتەللەكت مۇمكىندىكتەرىن ۇشتاستىرعان جۇمىستارعا باسىمدىق بەرىلەدى.
قازاق كينوسى حالىقارالىق كينوفەستيۆالدە ەكى جۇلدە جەڭىپ الدى
ۇيىمداستىرۋشىلاردىڭ پىكىرىنشە, Astana AI Film Festival تاجىريبە الماسۋعا, جاڭا تەحنولوگيالاردى يگەرۋگە جانە كونتەنت يندۋسترياسىنداعى تىڭ باعىتتاردى دامىتۋعا سەرپىن بەرەدى. بۇل الاڭ قازاقستاندى وڭىرلىك قانا ەمەس, حالىقارالىق دەڭگەيدەگى كرەاتيۆتى حاب رەتىندە تانىتۋعا مۇمكىندىك بەرەدى.
فەستيۆال باعدارلاماسى مەن قاتىسۋ شارتتارى تۋرالى تولىق اقپارات الداعى ۋاقىتتا رەسمي سايتتا جاريالانادى.
