Amnesty International ۇيىمى جاريالاعان ەسەپ بويىنشا, 2025 جىلى الەمدە كەم دەگەندە 2707 ادام ءولىم جازاسىنا كەسىلگەن. بۇل 1981 جىلدان بەرگى ەڭ جوعارعى كورسەتكىش. ۇيىم كورسەتكىشتىڭ كۇرت ءوسۋىن يرانداعى ءولىم جازاسىنىڭ جوعارى بولۋىمەن بايلانىستىرادى.
Amnesty International مالىمەتىنشە, بىلتىر يراندا 2159 ادام ءولىم جازاسىنا قيىلعان.
ء«ولىم جازاسىنا دايىنمىن»: سۇلتان سارسەماليەۆ قايىن جۇرتىن نە ءۇشىن ولتىرگەنىن ايتتى
تەگەران ءولىم جازاسىن ساياسي قىسىم مەن نارازىلاردى باسىپ-جانشۋ قۇرالى رەتىندە پايدالانىپ وتىر. يران بيلىگى ءولىم جازاسىن ەلدە بولعان جاپپاي نارازىلىقتار مەن بىلتىر جازدا يزرايلمەن بولعان سوعىستان كەيىن ءجيى قولدانا باستاعان.
قۇقىق قورعاۋشىلار قىتاي بۇل ستاتيستيكاعا ەنگىزىلمەگەندىكتەن, الەمدەگى ءولىم جازاسىنا قاتىستى كورسەتكىش بۇدان دا جوعارى بولۋى مۇمكىن ەكەنىن ايتادى. قىتايدا جىل سايىن مىڭداعان ءولىم جازاسىن ورىندايتىندىعى ايتىلادى. بىراق ونىڭ ناقتى سانى قۇپيا كۇيىندە قالىپ وتىر.
