بيىلعى اكتسيا «الەمدەر توعىسقان مۋزەي» تاقىرىبىمەن ءوتىپ, ۇلتتىق ونەر مەن زاماناۋي فورماتتاردى ۇشتاستىرعان مازمۇندى باعدارلامانى قامتىدى. كەلۋشىلەر ءۇشىن كورمەلەر, پەرفورمانستار, تەاترلاندىرىلعان قويىلىمدار, كونتسەرتتىك باعدارلامالار, شەبەرلىك ساعاتتارى مەن كۆەست-ويىندار ۇيىمداستىرىلدى.
ءىس-شارا اياسىندا «جەتى قازىنا» كورمەسى كوپشىلىك نازارىنا ۇسىنىلدى. سونىمەن قاتار بالالار مەن جاسوسپىرىمدەرگە ارنالعان تانىمدىق-ينتەراكتيۆتى كۆەست-ويىنى, مۇسىندەۋ, بىلەزىك توقۋ جانە پۋانتيليزم تەحنيكاسىمەن سۋرەت سالۋ بويىنشا شەبەرلىك ساعاتتارى ءوتتى. اكتسيا ەلىمىزدەگى بارلىق مۋزەي مەن مۋزەي-قورىعىندا ۇيىمداستىرىلىپ جاتىر.
بۇگىن قر ۇلتتىق مۋزەيىندە سكريپكاشى نازىم مۇستافينا ونەر كورسەتەدى. سونداي-اق قر ۇلتتىق ورتالىق مۋزەيىندە مۋزەي قورلارىن ساقتاۋ جانە كوللەكتسيالاردى تولىقتىرۋ تاقىرىبىنا ارنالعان ارنايى باعدارلاما ۇسىنىلادى. ال مۋزەي-قورىقتاردا تاريحي ەسكەرتكىشتەرگە تۇنگى ەكسكۋرسيالار, تەاترلاندىرىلعان قويىلىمدار جانە وزگە دە مادەني ءىس-شارالار وتەدى.
ايتا كەتەيىك, بۇگىن مۋزەي كەلۋشىلەرى ءۇشىن تۇنگى ساعات 00:00-گە دەيىن اشىق بولادى. كىرۋ تەگىن.
