فوتو: Interesting Engineering
Yonhap اگەنتتىگىنىڭ مالىمەتىنشە, باعدارلاما 2030 جىلعا دەيىن كورەي عىلىم جانە تەحنولوگيا ينستيتۋتىنىڭ جەتەكشىلىگىمەن جۇزەگە اسادى. ول بيىل باستالعان ۇكىمەتتىك «K-Moonshot» باستاماسىنىڭ ءبىر بولىگى سانالادى. بۇل باعدارلاما جاساندى ينتەللەكتىنى عىلىم مەن تەحنولوگيا سالاسىنداعى زەرتتەۋ جانە ازىرلەۋ جۇمىستارىنا كەڭىنەن ەنگىزۋدى كوزدەيدى.
جوبا شەڭبەرىندە LG Electronics Inc. جانە جەرگىلىكتى WIRobotics ستارتاپى روبوتوتەحنيكالىق وزىق پلاتفورمالار مەن ادامعا ۇقساس روبوت ۇلگىلەرىن ازىرلەيدى. الداعى ۋاقىتتا بۇل تەحنولوگيالاردى جاپپاي ءوندىرىس دەڭگەيىنە شىعارۋ جوسپارلانعان.
جامبىلدا بايقاۋدى روبوت جۇرگىزدى: جاڭا فورمات كورەرمەندى تاڭعالدىردى
جاساندى ينتەللەكت مودەلدەرىن ازىرلەۋگە ءىرى ۋنيۆەرسيتەتتەر مەن عىلىمي-زەرتتەۋ ورتالىقتارى دا قاتىسادى.
باعدارلامانىڭ باستى ماقساتى – وڭتۇستىك كورەيانى الەمدىك نارىقتا گۋمانويد روبوتتار ءوندىرىسى بويىنشا جەتەكشى ەلدەردىڭ بىرىنە اينالدىرۋ.
جوبادا جاسالعان روبوتتار الدىمەن اۋرۋحانالاردا جانە كۇتىم ورتالىقتارىندا سىناقتان وتەدى. بۇل ولاردىڭ ادامدارعا كۇتىم كورسەتۋ سياقتى ۇزاق ءارى كۇردەلى مىندەتتەردى ورىنداۋ قابىلەتىن تەكسەرۋگە مۇمكىندىك بەرەدى.
بۇعان دەيىن قىتايدا دا ادامعا ۇقساس روبوتتار پايدا بولعانى تۋرالى جازعانبىز.
