توتەنشە جاعداي تۋرالى اقپارات تۇسكەن بويدا وقيعا ورنىنا اۋدان اكىمىنىڭ ورىنباسارى ا.تۇماتاەۆ, تۇرعىن ءۇي-كوممۋنالدىق شارۋاشىلىعى ءبولىمىنىڭ باسشىسى ق.ابسەيىتوۆ, توتەنشە جاعدايلار قىزمەتىنىڭ ماماندارى جانە ۇزىناعاش اۋىلدىق وكرۋگىنىڭ وكىلدەرى دەرەۋ جەتتى. قازىرگى ۋاقىتتا الماتى وبلىسى اكىمىنىڭ ورىنباسارى اسەت ماساباەۆ پەن وبلىستىق توتەنشە جاعدايلار دەپارتامەنتىنىڭ باستىعى, پولكوۆنيك داۋرەن ورازبەكوۆ وقيعا ورنىندا.
قوسىمشا سۋ باسۋ قاۋپىنىڭ الدىن الۋ جانە سالدارىن بارىنشا ازايتۋ ماقساتىندا قورعانىس بوگەتتەرىن نىعايتۋ, سونداي-اق اعىندى سۋلاردى تۇرعىن ۇيلەردەن بۇرۋ جۇمىستارى جۇرگىزىلدى. توتەنشە جاعدايدىڭ سالدارىن جويۋ ءۇشىن 5 ارنايى تەحنيكا جۇمىلدىرىلىپ, قوسىمشا تاعى 5 تەحنيكا, 15 مامان تارتىلدى.
جاعداي ۇنەمى باقىلاۋدا. بارلىق قاجەتتى شارالار قابىلدانعان.
الماتى وبلىسى.
