1760 جىلى بەلگيالىق جان-جوزەف مەرلين لوندوندا وتكەن سالتاناتتى كەشتە ءوزىنىڭ جاڭا ونەرتابىسى – روليكتى كونكيدى ەرەكشە تانىستىرعىسى كەلدى. ول ءساندى ءتۋفليىنىڭ استىنا كىشكەنتاي مەتالل دوڭگەلەكتەر ورناتىپ, قولىنا سكريپكا الىپ, كوپشىلىكتىڭ اراسىنا جارق ەتىپ شىقتى. جۇرتتىڭ ءبارى اڭتارىلىپ قارادى. بىراق مەرلين بۇل كەزدە روليكتەردى توقتاتۋ جۇيەسىن ويلاپ تاپپاعان ەدى. ءسويتىپ, ونەرتاپقىش زىرىلداپ كەلىپ, قابىرعاداعى قىمبات ايناعا سوعىلىپ, جالپ ەتىپ قۇلايدى. دەگەنمەن بۇل ساتسىزدىك روليكتى كونكيدىڭ تانىمالدىلىعىن ودان سايىن ارتتىرىپ, حالىق اراسىندا بىردەن سۇرانىسقا يە بولدى.
